للاسف لن نحتفل مع اخوتنا الليبيين بالعيد الاول للثورة ،،،، و لكن سنلحق بالركب قريبا بعد تحرير بلادنا من التشاديين ، فالارض التي لا نستطيع ان ندافع عنها لا نستحق العيش فيها ، هنيا لك يا ليبيا العيد الاول و تأكدي اننا قادمون . شباب منطقة مرزق الليبين

الله اكبر كتيبة البركان ,,,,,الله اكبر لي الشرف ان انتسب لهده الكتيبه التي لم تبخل مند اليوم الاول للثورة بالدود عن البلاد وحمايتها من القدافي واعوانه فقدمت الكثير من الشهداء والكتير من الجرحي نسال الله لهم الشفاء,,,,تحياتي لكل فرد من افراد هده الكتيبه الله اكبر الله اكبر

اللهــــــــــــــــــــــــــــــــم احفظ البــــــــــــــــلاد والعبــــــــــــــاد من اي تخريب او فساد يمس امــــن بلادنا الحبيبة يارب

تحية عز واجلال الى كل الليبيين بمناسبة العيد الاول لثورة 17 فبراير كما احب ان اشيد بثوارنا الاشاوس فى مرزق وكافة المدن الليبية الحبيبة فكل الليبيين اخوة احباء ولن نرضى ولن نسكت عن اى محاولة لزعزعة أمن اختوتنا فى مرزق او الكفرة او اى مدينة ليبية وفقكم الله وحفظ الله بلادنا ليبيا من كل شر

كل العام والشعب الليبي وثورته المجيدة بألف ألف خير, ورحمة الله على أرواح الشهداء الأبرار, وكل دعواتنا بشفاء جرحانا, وجلاء غمة مفقودينا,

كتيبة البركان تتبع الزنتان والامصراتة والا وين

اهو التريس ..كتيبة البركان موش الغائدون..والقاعدون..والطحالب المتلونون..بارك الله فيكم ونشدوا على ايديكم منين ما كنتم من اية منطقة من مناطق ليبيا..وشكرا لكم ياتريس الندهه موش تريس الميكياطا.

الله اكبر فثورتنا ثوره تكبير لاخو ف عليها بادن الله من هولاء الارجاس ادناب اليهودى

سبحان الله العظيم الحقد الذى ورثوه عن معبودهم لا يزال يعتمل فى صدورهم المريضة والكافره لو كانوا يخافون الله او يعرفونه ما كانوا ليقدموا على قتل مسليمين بعد موت معبودهم دون الله يجب الضرب على ايديهم بقوة و مصيرهم جهنم انشاء الله كمصير معبودهم الذى كان يستهزء بالرسول صلى الله عليه وسلم ويقول عنه مجرد ساعى بريد واحل الربا فى المصارف وحقن اطفال ليبيا بالايديز وقتل 1300 ليبيى فى ابوسليم هؤلاء لا يمتون بصلة للوطن والا للدين الاسلامى وهم اما جاهل او تاجر مخدرات او شلافطى باللغة الدارجة

الى رقم 6 Libya كتيبة الركان تتبع ليبيا

اختلط الحابل بالنابل ماتعرف اللى معك من اللى عليك ضموا الكتائب وخلوا الشرطة والاجهزة الامنية تعمل هم المختصين وفاهمين عملهم

الله يحفظ البلاد و العباد من شر الحسد
ارجو تنفيد اقصه عقوبة على هؤلاء الحاقدين كي يكون عبرة لمن يعتبر
مع كل الشكر والتقدير لمن يسهرون على حماية الوطن والمواطن

كتيبة البركان تابعة الى الجيش الوطني الليبي .

ندعوا كل الليبيين الاحرار الشرفاء داخل ليبيا الحبيبة او في دول الجوار ( تونس مصر جزائر سودان مغرب نيجر مالى ) وفي دول اوروبا وكندا واستراليا وفي كل العالم .
ندعوهم الى التعاون مع المخابرات الليبية ليس من اجل خدمة فرد طاغية او من اجل منصب او مال كما كان في النظام السابق . ولكن من اجل ليبيا وامنها وسلامة اهلها الطيبيين . بلغ بشكل مباشر او غير علني عن اي شخص او مجموعة اشخاص او تحركات مشبوهة . تهدف الى زعزعة امن واستقرار ليبيا وطنك وشعبها الذين هم اخوتك المسلمين . لأن هؤلاء الاشخاص هم مجرمون مطلوبون للعدالة والقضاء لأنهم قتلوا الأطفال والنساء واغتصبوا وسرقوا اموال الشعب الليبي . ان تبلغيك عنهم يساهم في القبض عليهم وتقديمهم للمحاكمة العادلة على ما ارتكبوه من جرائم ضد الليبيين . و ايضا يساهم في منعهم من ارتكاب جرائم قتل للابرياء والاطفال والنساء والعجزة .
ان تبليغك عن هؤلاء المجرمين من ازلام الطاغية المردوم يعتبر واجب ديني وطني مقدس . عاشت ليبيا حرة والله اكبر

تعالو وشوفوا العار الي صاير في وادي الربيع والكام الي يحق الان اكتر سكان وادي الربيع مؤيدها الي طاغية الله ينصر الشعب اليبي وثورة 17 فبرير

بالرغم من تظاهرك بإنك غير جهوي الا ان اسلوبك وطريقة تعليقك على الخبر يدل على انك غير مبروك فالرجاء تصحيح الالفاظ فالملافظ سعد

اين السارق والهارب الذى كان في الجان الثورية في نظام الطاغية الفنان سابق فتحي احمد ابراهيم

الله اكبر الله اكبر

شكرا ثوار بلادي من وين اتكونوا من اي مكان فانتم ليبين احرار والله ينصركم وسداد خطاكم لما فيه خير العباد وبلاد "وان تنصروا الله ينصركم "ورجاء انكم تقولوا ثوار ليبيا من غير التفرقة التي ستزرع الفتنة فقط وشكرا وليبيا الله حاميها

اللهم احفظ بلادنا من المجرمين والسراق والمرتزقه ونحن مع اهل في الجنوب كلها حتى تتحرر من المرتزقه التشاديين والنيجريين وغيرهم من الطحالب

ارجو من المجلس الوطني والحكومه خصوصا وزارة الدفاع والأمن الوطني والثوار الشرفاء ان يضعوا استراتيجيه عسكريه وامنيه لحماية الجنوب لانه العمق الاسترتيجي لليبيا وخذوا عبره من الجزائر لحمايتها حدودها الجنوبيه وكفايه صراع مسلح على المغانم الماديه في المنافذ ومقار وحقول الشركات والمتعه التافه في استراحات النظام وازلامه التي يخجل الضمير لذكرها !!! فثورة ١٧ فبراير تغيير سياسي وتاريخي عظيم اكبر مما يمارسه الجهله والنفعيون والقبليون فالتلاحم الوطني والديقراطيه هي اساس بناء ليبيا الكبرى شمال وجنوب وشرق وغرب حتى مكانها الصحيح والقوي بين دول المغرب العربي والعالم وان تتركوا الحكومه والجيش والشرطه تتولي تسيير مهام الدوله ؛؛ 

الي من نحبهم و نرضاهم والقلب مشتاق الي لقياهم

ابنائي كتيبة البركان والي كل من سهر علي امن ليبيا و بالخص بوابة المطار و رجالها التي قامت بضبط المخربين المتجهين براجمات الصواريخ نحو طرابلس و القت القبض عليهم

الله ينصركم نصرا من عنده
عاشت ليبيا حرة
17 فبراير

هده الشبكة مدعومة من اشخاص فى تونس وتم اختراقها من قبل احد التوار وهى مدعومة من اشخاص فى تونس من ازلام الطاغية وعندما حاولنا مقابلة السفير الليبى فى تونس لغرض مداهمتها والقضاء عليه حيت نحتاج الى حماية من اى جهة مسئولة حتى نتمكن من العمل فى تونس الا انه رفض مقابلتن ومنعنا اكتر من مرة بحجة لايمكن له مقابلة المواطنين العادين دلك المتغطرس حاولنا مقابلة الملحق العسكرى رفض بحجة يجب اخد موعد مسبق ودكر سبب الزيارة تارة وتارة لم يكن متواجد طوال وقت العمل لنتمكن من سيادة الملحق الموضوع فى غاية الاهمية الا انهم اقفلو الابواب من اولها مم قلنا لانفسنا انشاء الله تخلى ورجعنا نجرو اديال الخيبة يجب على وزارة الخارجية الزام موظفيها بالعمل و التواجد خاصة فى تونس حيت ان المنطقة متواجد فيها ازلام القدافى ويحاولنو شراء بعض الدمم الحدر الحدر

اين مرتبات الجيش ثلاث شهور وهذا حالنا منذ ثورة 17 فبراير كل ما يمر علينا ثلاث شهور يعطونا شهرين وفات علينا المولد من ما نمولدوا واصغارنا يعلقوا في عيونهم اين ومتى وكيف

الله اكبر دولتنا قوية والخير قادم لكل الليبيين ان شاء الله تعالى . الى كل ابناء وطني الاحرار قفوا مع حكومتكم لخير ليبيا . الانتخابات قريبية والديموقراطية . الله اكبر
عاشت ليبيا حرة -

لا توجد ثورة بدون دم حتى وان اردناها سليمة ولكن للاسف ان تكون الدماء من اجل شى انتهى واسفاه لانه من ليس له انتماء لليبيا لا يستحق خيراتها وحبها الف مرة تكلمنى وقولنا الان ليبيا ليبيا ليبيا وبس وانت تنصروا الله ينصركم فنحن نتمسك بالكبير القوى وكتابه وسنة نبيه وسيكون النصر لليبيا فقط لاغير خافوا الله يا اعداء الحق والخير وانتبهوا قد ينفذ الصبر ولا نستطيع الرجوع فى لحظة من اجل عيون ليبيا سيضرب بيد من حديد لمن يحاول الخراب وانت مويد او لا شى لانختلف فيه معك ولكن ليس معنى ذلك سنسمح بالخرابللارضناوالوطن ومن ليس لديه غيرة على ارضه لا يستحق العيش عليها والكلام للكل والله موفق كل من يريد للخير للارض الخير

الفت انتباه وزارة الخارجية الى اهمية عدم ترك فراغ سياسي او أمني قي اسرع وقت في سفارتنا خاصة في دول الجوار، لانها مليئة بالاشخاص الفارين من غضب الشعب الليبي ولانهم ليسوا على حق مازال يكيدون للشعب الليبي ولا يريدون الخير لليبيا

ولذلك اطلب من وزارة الخارجية ارسال دبلوماسيين مؤهلين عاجلاً لملأ الفراغ، ارسال دبلوماسيين وطنيين لحراسة الوطن ممن لديه نية سيئة نحو هذا الوطن ، وبما أن كنا رجال في ميدان المعركة يجب أن نكون اذكياء في المحافظة على الوطن من اولئك الذين لازالوا يحلمون بان يسرقوا حق الليبيين في العيش كرماء على ارضهم.

بالله مخلينهم ملوحين برة لا حد تكلم معاهم لا حد مشالهم حاوروهم واعطوهم فرصة انهم يرجعو راهم اولادنا وليبيا مازل تبيهم ياسرنا من الدم ورحو بولادكم خير مايستغلهم حد وبعدين علي ليبيا السلام راهو الموضوع خطير ويبي ليبين شرفاء يوقفولا كانكم واجعتكم ليبيا صح مش نقتلوهم العنف يولد الا العنف ما تهزوش علي المووضوع واعطوه حقه

اللهم عليك بمن يريد العبث بامن البلاد والعباد , اللهم اجعل كيده في نحره وتدبيره تدميرا عليه يا قوي يا عزيز اللهم انا نجعلك في نحورهم ونعوذ بك من شرورهم
ربنا اجعل هذا البلد أمنا مطمئنا سخاء رخاء دار عدل وسلام

الي رقم 6 كتيبة البركان تتبع الي مدينة الرجبان العظمى وعاشت ليبيا حرة ابية

اللهم من اراد بلادنا واهلنا بسوء اللهم اجعل كيده في نحره واجعل تدبيره تدميره وسلط جهنم عليه . اللهم اجعل هذا البلد امنا مطمائا سخا رخاء وسائر بلاد المسلمين

هذه الثورة مباركة وليبيا حاميها الله عز وجل .

يارقم 6 مش مم الكتيبه من الزنتان او مصراته المهم انها ليبيــــــــــــة وتحافظ علي مكتسبات الثوره من المتربصين والمخربين والله اكبر وعاشت ليبيا حره

اسكت يا راجل وانت طايح يلعن وتمجد وانت ..... عجيلي والله اكثر من الفول والعراك في بعضكم ما عندكم

منور انت ليبي فاهم ..

الحمد لله الذي بفضله تتم الصالحات والتحية والتقدير لأبناء الوطن المخلصين الذين يبرهنون يوما بعد يوم أن ولاءهم لله أولا ثم لوطنهم ثابت لا يتغير فلا يساويه مال ولا جاه وأن وفاءهم لشهدائهم هو حال دائم ملازم لهم حتى يلحقوا بهم في رضوان الله عز وجل... فجزى الله إخواننا عنا خير الجزاء .. آمين.

إلى رقم 30

كتيبة البركان تتبع المجلس العسكري مصراته وآمرها هشام مسيمير وبعدين كتائب الرجبان كلهن رجعن للرجبان ومعاش عندهم حد في طرابلس

كل مواطن يعيش في ليبيا يجب ان يحرص على سلامتها وسلامة اهلها لا يحمي ظالم ولا معتدي ولا يناصر طاغوت ليبيا للليبيين وليس فيها رمز او اي شخص مميز لا قائد ولا اميين ولا ملك ولا منظر كلنا سواسيه ليبيون احرار
انتهى عهد القايد والمفكر وموحد افريقيا ومخرب ليبيا

سبحان الله كيف نبو الثوار الإستمرار فى هذه البطولات وهذه الوطنية والغيرة على ليبيا، وكيف نبو مثل هذه الأعمال تستمر وتتكرر إذا لم يتم مكافأة ثوار كتيبة البركان مكافأة مجزية تليق بهذا العمل البطولى. يامجلس وطنى يا مجلس وزراء ياهوه متبخلوش عليهم أجزوا فى العطاء لهم راهم 64 صاروخ كافيين لدمار ثلاثة أرباع مدينة طرابلس. إي تردد فى العطاء لهولاء سوف يكون كارثة، سوف يسبقوكم الأعداء فى العطاء المرة القادمة وسوف تطلق مثل هذه الصوريخ وعندها نندم جميعا حيث لا ينفع الندم. مرة ثانية راهم 64 صاروخ.

توا هذا ما ناقص تكبروا في المواظوع هما تلقهم كمشة مخانب ما لقوش ما يخنبوا جت في طريقهم قالك يا الله خير من بلاش وانتم شدينهم كتيبة مش عارف شنو يا ودي درهتونا كبدنا خلو الحكومة تشوف شغلها من غير كلام فاضي

شن تغير من كتائب القدافي الي كتائب الثوار وجهان لعملة واحدة نريد الجيش الوطني والشرطة بدل هده الترهات ولكن تشكي لمين وخصيمك القاضي اللهم احفظ ليبيا

ابارك للشباب نخوتهم وهمتهم وادعوهم الى المزيد من البدل والعطاء لهذا الوطن ويجب ان يباد التشاديين في الجنوب بالطائرات وان تتحرك بع

الله اكبر ولله الحمد .اصبحت ليبيا حرة .وهذه الفزعات يجب الا تؤثر في عزيمتنا والثوار الذين سحقوا كتائب الطاغية وآلياته قادرون بعون الله تعالى على سحق اي محاولة .
اقول للسيدة ليبية صاحبة التعليق رقم (28) انا معك في محاورة من لم تتلطخ يده بدم الليبيين ولم تصل ايديهم لسرقة المال العام .ولكن من يشهر السلاح فجزاؤه القتل وفورا في الميدان لانه مجرم . والاهم من ذلك هو عدم نهج اسلوب المقبور ( سياسة التخوين) فهذه كارثة لان ليبيا قبيلة واحدة . الله اكبر عاشت ليبياحرة

السلاح منتشر عند كل الكتائب والكل ليس عندهم شرعية فالحرب انتهت والقردافي دهب من غير رجعة
ادن من يحمل السلاح فهو خارج عن القانون ويجب محاسبته من قبل الليبين

أخوتي الليبين أنا مواطن ليبي ولست من سكان مرزق ولكنى علا دراية بما يجري في مرزق ..... هل تريدون الحقيقة ؟ الحقيقة أن مرزق مدينة ليبية تحررت ليبيا من طاغيتها المقبور وأحتلت مرزق من قبل قبيلة التبو التي حتى الرمق الأخير للطاغية وهي معه تناصره عدا نفر قليل منهم أنضم للثورة . الأن يعيثوون في الأرض فسادا فهم قوم يخافون ولايحتشمون ، وسكان مرزق ناس بسطاء طيبون لايحبون أدية أحد . .........لقد قالت أحدى المسلمات ثستغيث {وأمعتصماه} فأغاثها بجيش وفك أسرها ...... ونحن نقول {ياليبياه} ففكوا أسرنا أو أرحمونا بمايسمى طلقة الرحمة ....ولكم السلام.

هذه الثورة راعيها المولى عز وجل ، وسوف تشل يد كل من يحاول التخريب أو القتل بإذن الله ، هؤلاء المخربون تم شراؤهم من أناس فى الخارج سرقوا أموال الليبيين والضحية ستكون من يسمع لهم فى الداخل أما هم سيأتي اليوم انشاء الله اللى نقدر نروحوا بيهم

الهتهمم ماتت وهما بينجنوا يبوها تتحول عراق جديدة يبوا الاستعمار ينزل هما هكى يتمنوو ا ولما ما لقوا شى وقلنا انها ثورت الليبين كلهم ثورة شعب...مافهموش فى ناس تحب العبودية تحب الذل طبيعتها ويما منهم ...هذارد فعل المهزوم شعور صعب هاهاها...وبالنسبة على الى يسأل من وين الثوار بدت حراكتم لنشر الفتنة واضحة وثقيلة ودمها رزين هذم ليبين وكلنا ثوار رجال ونساء عيونا مفتوحة وسهرنين لخدمة بلادنا ونبلغوا على اى شى للغرفة الامنية
ونشدو ا حتى فى شبكات من النت يعنى كلنا فى الامن والداخلية والشرطة والاستخبارات...لان دم الشهداء لن يضيع هباء وكل الليبين يد وحدة حتى لو فى اختلاف فى وجهات النظر ...ارتحت توه تبو تنشروا الفرقة لالالا نحنا لكم بالمرصاد عيشوا بالفلوس الى خانبينها والهوا بحياتكم اريحلكم ...لان نحنا معانا الله ومتوكلين عليه وليبيا امانة بى اعناقنا ....ربى يرد كيدكم فى نحركم واخيرااقول(ياايها الذين أمنوا لاتكونوا كاالذين نسوا الله فاأنساهم انفسهم)صدق الله العظيم

كتيبة البركان من طرابلس والمنتسبين ليها كلهم من طرابلس وهي تتبع اللجنه الامنيه العليا ومقرها طريق المطار والعاصمه حاميينها ارجالها

الى الرقم7 تريس المكياطه هم ا اللدين انهو نظام القدافى والاسطوانة المشروخة ماعادش تفوت على الليبيين طرابلس حرروها تريسها ومافيش ولا منطقة اخرى ليها فضل على طرابلس وطرابلس هى نوارة ليبيا تبى والا ماتبيش وطرابلس هى كل ليبيا هى مجموع كافة قبائل ليبيا وبدلك فمن يستهزى بطرابلس وتريسها فهو يستهزى بليبيا كلها .ياتريس وسكر الموضوع احسن وياسركم مزايدات وبروباجانده

مرحبا...اغلب تعليقاتى تحدف غريبة......؟مشكوريين جدا جدا

بسم الله الرحمن الرحيم
ان ينصركم الله فلا غالب لكم .
النصر من الله و الثورة منصورة ,ثورة 17 فبراير مأيده من الله ,وكل من يحاول التعدى على ليبيا سيكون وقود عمله الجبان ,ويا ليبين منورين العالم ينظر لكم بعين الغبطة و السرور و كل العام أنشاء الله و أنتم بخير .

ليبياحره غات ارض احرار ثوار غات النحبك يا ليبيا

الى رقم 50 بكل احترام اقول لك بأن الحق هو الله وان صوت الحق بمعنى كلام الحق هو كلام الله عز وجل، لكي لا يعتبر احد من البشر بان لديه الحقيقة المطلقة.
والسلام ختام

شكرا علي هذا الايضاح..فعلا حتى الاذان هو صوت الحق فعلا ..بارك الله فيك...

انى مش مصدقكم جيبو الي مسكتوهم على التلفزيون اوبعدين نعطيكم تعظيم سلام