الله اكبر هذا ما ينتظر الليبيين سماعه منكم

تقصد السنة القادمة 2013 و الا الشهر القادم ....يامن عاش الى السنة القادمة

شكرا كتيبة ثوار طرابلس هده اخلاق الثوار وكل عام وانتم بالف خير ومن نصر الي نصر والان انطلقوا لبناء ليبيا ونحن معكم شكرا والله اكبر

بارك الله فيكم ايها الابطال فقد عاهدتم ووفيتم الوعد ، فانتم والله ثوار طرابلس وفخرها ، وبارك الله فى الشيخ هاشم ومن قبله المهدى الحاراتى وجزاكم الله عنا كل خير

مش رئيسهم ناكر ثوار طرابلس علي كلن كل عام وانتم بخير

زعمة في رصيد في هالعيد او لا؟ نبو الرد من وزارة الاتصالات والمعلوماتية
شكرا

الالاف من سكان العاصمة الليبية طرابلس يخرجون للإحتفال بالدكرى الأولى لثورة فبراير المباركة . التي حررت ليبيا والليبيين من الظلم و الإستبداد والطغيان من قبل النظام السابق . وقد ظهرت الفرحة جلية على وجوه الليبيين من الرجال والنساء والأطفال . وهم مفائلين و مؤمنيت بالله الذي نصرهم في معركة تحرير ليبيا , أنه قادر على مساعدتهم في بناء ليبيا الحرة الجديدة . لكل اليبيين الشرفاء .

تعلّمي الاملاء أولا واغسلي امّاعينك وضمي حوشك بدل مانك مقعمزة عالنث

الله اكبر ...الله اكبر ... والله انكم قدها وقدود ياأشاوس ..هذا كلام متأكدين 100% من انه سيحدث مثلما كنا متأكدبن من زوال حكم المقبور من اول يوم انطلقت فيه شرارة الثورة في بنغازي ... فدماء شهدائنا امانة في اعناقنا جميعا .. فلنكن اهلا لحمل هذه الامانة .... حتى تذكرنا الاجيال القادمة بخير ذكر .. ونسطر ملحمة جديدة في تاريخ جهاد وتضحيات هذا الشعب العظيم والذي نقف له اجلالا وتقديرا لما يسطر عبر الازمان ... افول لكم صبرا فان التركة ثقيلة ولكن ليبيا لها رحالها وحرائرها ...وسيرى العالم من هذا الشعب العجب العجاب .. الله اكبر وعاشت بلادي حرة ابية .... وكل العام والجميع بخير .. ومبروك علينا وعليكم العيد الاول .. وعقبال العيد المائة

الله اكبر ياليبيين , اهني الشعب الليبي الكريم وخاصة الثوار الابطال ,ونترحم على شهدائن الابرار, ونتمنى الشفاء للجرحى والعودة للمفقودين , وتحية خاصة لامهات الشهداء

اين هى الدوله

الله الله على ثوار بلادي عشتم وعاش الوطن وبارك الله فيكم والى الامام على درب العزة والكرامة

الله اكبر ياثوار ليبيا وكل العام والجميع بالف خير
مع نسائم الحرية ارى ليبيا الجديدة دولة ذات قانون وسيادة ومدنية
ولاول مرة نشعر بقمة الفرح ونحن نتبادل المعايدات والتهاني ببزوغ فجر وسطوع شمس 17 فبراير ماكنا نحسها من قبل فالله اكبر ولله الحمد

منورين يا كتيبة ثوار طرابلس ولكن سنة يعني الكلام هذا في 2013 مش هلبة يا ياشباب معناها مطولين بالسلاح والبدلة العسكرية امالا امتى بتبنوا ليبيا زي ماقلتوا

salam alikum twar libya , kul am wantum bkir .


libya for ever,happey 17/febrair

بارك الله فيكم ان شاء الله بلادنا تستقر ونغيشو فى امان والمجد والخلود لشهداء وعاشت ليبيا حره والله اكبر الله اكبر الله اكبر ولله الحمد

بارك الله فبكم يافخر ليبيا ودمتم درعا لوطننا الحبيب.

الله أكبر الله أكبر الله أكبر ... ولله الحمد

شكراً لخوتي التوار المرابطون في الحدود
الساهرين لحماية الوطن والشعب الليبي
شكرا لكل ثوار ليبيا

ولكم في كتيبة ثوار طرابلس قدوة أيها الثوار الحقيقيون
وفق الله الجميع لبناء ليبيا الحرة .. ليبيا المؤسسات و القانون .. ليبيا الأمن والآمان .. ليبيا بيت الليبيين جميعا لا إقصاء ولا تهميش ! قولوا يا رب !

كتيبة ثوار طرابلس تعني بالحروف

كفاح الابطال
توج في العيد الاول
يوم 17 فبراير2012
بطولة لامثيل لها
تجدوهم بمؤسسات الدولة انشاء الله
ثاروا ضد الظلم
وحرروا ليبيا من الإخطبوط
ابطال رجال طرابلس
رأب الصدع اهدافهم
بادروا لعيد سعيد

مشكورين جدا يااسود ليبيا وبسرعة لبناء ليبيا بالقش نلحقو على العالم شوى

تعرف شن معنى الله غالب؟
اما بالنسبة لأم مريم الرقم 3 فكل عام وانتي بألف خير وكل عام وانتي ليبية حرة بنت أحرار رافعة راسك فووووووووق واللي مش عاجبه قولي له الله غالب

بارك الله في أحرار ليبيا وأبطالها الشرفاء
يا من رفعتم رؤوس الليبيين وأعدتم الكرامة للوطن
حفظكم الله ورعاكم وجعلكم دائماً مصدر فخر ليبيا العظيمة.

ماذا يعني السنة الجاية 2013 هل ستستمرون في نفس هذا الموال لكل سنة 2012 ؟

الى رقم 14 قولى ان شااء الله كان الامور استقرت فى ظرف سنة هذا بشرى كويسة ان الليبين تطوروا لازم تقتنعوا ان ليبيا كانت فى حرب ولولا فضل الله ثم الثوار واخلاق الثوار لكان الشعب قد نزح الحمد لله ما صاار كيف مصر الدمار اللى خلفه المجنون الطاغى يبى سنوات والفسااد اللى عقبه كذلك هذا غير مخافات االحرب تبى سنوات احسبوها صح يا ناس احمدوا ربى راه كان انولدنا من جديد تتبى هلللللللللبة انى ما انفكر هلبة ونتخايل ليبياا نيويورك والا دبى انى انفكر فى شئ واحد كان تفكروا فيه ترتاحوالمهم تخلصنا من الطاغى اللى استصغر رجالناا ونسائنا وقال من انتم وقال ان ما فىى رجال فى ليبيا ووصفهم جردان وتوا بعد موته تم اثبات ان ليبيا بها رجال ليس كاكل الرجال ونساء لا مثيل لهم

شكرا للثوار الحقيقين في طرابلس

علي مين ياطبرق

هدا فعلا مايريده الليبييون من التوار بناء الدولة والقانون والاتجاه لبناء مستقبل ابنائنا فنحن نشد على اياديكم فالجهاد الاكبر بدا الان فشكر لكم ايها الابطال الحقيقيين الدين خرجتم من بيوتكم من اجل ليبيا وعاشت ليبيا حرة ابية

شكرا كتيبة ثوار طرابلس وانشاء الكلام هذا يتنفد بسرعة مش العام الجاى وخشوا للجيش او الشرطة بالنسبه لصاحب التعليق رقم 8 احنا نساوين صح لكن كان لينا دور فى التورة وقدمنا الكتير وحياشنا نظاف وصغارنا فى المدراس والجامعات وامورنا تمام وبتنظيم الوقت تقدر المرا تشارك فى بناء المجتمع وربى يهديك ويحفظك انت وكل الليبين.

الى الرقم 8
ياريت تتعلموا احترام الأخرين وخاصة حرائر ليبيا وجودنا على النت لايعني عدم اهتمامنا بأمور البيت
كان الله في عون ليبيا من هذه العقول المتخلفة

هذه هو الموقف الصحيح من الثوار الشرفاء الذين لا يبغون سوي مرضاة الله عز وجل ورسولة والمؤمنين من اخوتهم بارك الله في هذه الروح الطيبة التي نصرنا الله بالكتبير وبها ... ايها الاخوة لاعزاء من الثوار الذين قاتلوا وجاهدوا واستشهدوا وجرحوا وفقدوا واسروا من اجل اعلاء كلمة لا الة الا الله محمدا رسول الله ومن اجل الكرمة والحرية وتخليص شعبهم من قبضة الظلم والظلمات والفساد والفشل هذا هو ما يريدة الناس منكم وهذا ما يتوقعة منكم لا يريدون اشباة ثوار من الانتهازيين والمستغلين ومرتزقة الاموال لايريدون ان يروا الثوار من النهابين والمختلسين والسارقين والمهربين والسفاحين والارهابيين ومن المتسلقين المتملقين متحينين الفرص القافزين فوق ظهور الشعب ليحققوا اغراض شخصية خاصة تافهه يريدون ثوار يحترمون دماء الشهداء ويتذكرون دموع الثكلي والارامل والايتام ويزهدون في عرض الدنيا الزائل ونصيحة لا تتبعون ناكر نكير وامثالهم والله ولي التوفيق .

انتم قلب ليبيا النابض بالحياة وانتم مجدها القادم وانتم اهل العاصمة الامجاد فلنكون جمعيا منارة لكل ليبيا وباب يفتح ابوابه لكل الليبين ..وقال الرسول الكريم ((عينان لاتمسهما النار ,عين بكت من خشية الله وعين باتت تحرص فى سبيل الله

) فكونوا حرس ليبيا وحمايتها والله يسدد خطاءكم ويحفظكم من كل شر وسو ياأبناء احلى مدنية على الارض وعاصمة ليبيا ...وعاشت ليبيا ومن حرر ليبيا ..الله اكبر الله اكبر ولله الحمد

//// وربما لا تجدوننا نرتدى مثل هذه الملابس فى السنة المقبلة إن أعطانا الله طول العمر //// ربما والف ربما ... هذه الكلمة لها الف معنى .. مش مشكلة 2013 او 2022 مش فرق هي خاربة خاربة ... اتمنى من كل قلبي ان يرضو بالمبلغ الذي سيعرض عليهم مقابل دمجهم في مؤسسات الدولة لانها وبكل بساطة عمليات ابتزاز للدولة الضعيفة ... واخيراً اسأل الشيخ هاشم بشر // لماذا لم تتدخل عندما تم القبض على العقيد عبدالسلام ضوء سالم من قبل عصابة من بني وليد وقمت انت بوضعه في سجن كتيبتك في قاعدة امعيتيقه لمدة اسبوع وبدون تهمه وعندما قاموا اهله بالسؤال عنه ابلغتموهم بان الادلة ضده لم تصل بعد وسوف يتم الافراج عنه بعد ان تصل الادلة من طرف المجموعة التي قبضت عليه وتم الافراج عنه بعد اسبوع كامل وتمت سرقة سيارته ولا تهمة له الا لانه من بني وليد التي يكرهها هاشم وهيثم وزملائهم بالكتيبة .. اتحداكم ان ترجعوا له سيارته ان كنتم فعلاً غير مذنبين وغير سارقين ... عموماً سوف يندمج اشباه الثوار ولو بعد حين في مؤسسات الدولة لانهم وبكل بساطة لم يعد هناك ما يسرقونه لقد انتهت المهمة ... واخيراً اقول لكم بان الاقدار قادتني لزيارة مقر كتيبة ثوار طرابلس في القاعدة وخرجت بانطباع يقول // يا اسفي على دولة هؤلاء رجالها يا اسفي على مستقبل دولة سيقودها هؤلاء.....................

لاحظت الكتير متخوف من كلام رئيس كتيبة توار طرابلس حينما قال اننا سندمج للوزاره سواء الداخليه اوالدفاع خلال السنه القادمه فلما هدا التخوف نحن لازنا خارجين توانامن حرب شنعا ونحتاج لفتره طويله لكى نرتب امورنا فسنه واتنان وتلات اعتبرها قليله من وجهة نظرى لدمج التوار فى الوزارت فالامر ليس بالهين فالكلام شكل والتطبيق شكل تانى امابالنسبه للاشخاص الدين ينتقدون الدوله والتوار فهؤلء ماعندهم لاصنعه لامنعه الامحاولةتدمير البلد فالبعكس التوار بدل جهد يشكر عليه وفوق طاقتهم وجهدهم وحتى كان بمقابل مش خساره فيهم وخير دليل على هدا الجهد والعطاء الاستقرار الدى عما احتفالات 17 فبراير على الرغم من ضعف مؤسسات الدوله فالشكر كل الشكر للتوار ودامت ليبيا حره

أحسنتم وبارك الله بكم وأحسن جزاءكم كنتم أبطالا في ميدان التحرير وستظلون أبطالا في ميدان البناء والتعمير فالعمل الصالح نتاج النية الصالحة وعنوان الخيرية والصلاح .. فتحية لكم قادة وأفرادا .. تحية لأخونا المهدي الحراتي .. تحية لأخونا هاشم بشر ومن معه.

انشالله ديمة منصورين لكن ياريت تهدوا وتنظروا ليبيا محتاجتكم وتريحونا من الرصاص والله صغاري خلاص قريب يخشوا في حالة نفسية من الرصاص اتقوا الله في اطفال ليبيا عاشت ليبيا حرة مستقلة

كتيبة الرجال كتيبة ثوار طرابلس

مرحبااااااااااااااااااااااااااااااااااااااااااااااااااااااااااااااااااااااااااااااااااااا

كل سنة وانتم طيبون ومن نصر الى نصر

عاشت ليبيا حرة وعاش ثوارها الابطال

السلام عليكم بارك الله فيكم ثوار العاصمة منورين ونرجو ان يحذو حذوكم كافة الثوار في كل شبرمن ارض ليبيا الحرة
ويا ريت التاريخ ابكر قليلا وعاشت لييبا حرة آبية

ربى ينصركم يااسود ليبيا والله اكبر ولله الحمد

الله اكبر الله اكبر الله اكبر ولله الحمد ثوار ليبيا رجال المستقبل قامو بتحرير ليبيا من الطغات عاشت ليبيا حرة المجد و العزة لثوار ليبيا الدين رفعو ا راية العز والحرية والمجد واصبح الشعب العربي الليبي حر من كل القيود الله اكبر الله اكبر الله اكبر

بسم الله الرحمن الرحيم الله اكبر الله اكبر الله اكبر ولله الحمد ثوار ليبيا و ثوار طرابلس رجال المستقبل نتمنى وحدة التراب والشعب الليبي في دولة واحدة لا شرقية ولا غربية عاصمتها مدينة طرابلس والابتعاد عن النظام الغربي الفدرالي والاطماع في السيطرة على حقول النفط الليبي من قبل مجموعة من ازلام النظام السابق وحرمان باقي الشعب الليبي من خيرات البلاد بحجتة المركزية وعلى الحكومة الليبية المؤقتة تطبيق الامركزية في الادارة والمحافظة على وحدة دولة ليبيا الحرة لكل اللبيين

حفظ الله ليبيا وشعبها من كل شر
للغالي عماد

لعنة الله عليكم ياعبيد الناتو انتم عبارة عن حشاشه وسراق بيوت الناس والرشوة والخمور ياازلام العا هرة موزه والفاسد حمار قطر الخرتيت

تحية للشيخ الثائر الليبي الحر العادل والدي يخاف ربه حيث سمعت انه سوف يتخد قرار بالاعفاء عن جميع المساجين لديه بقاعدة امعتيقة وهده هي مواقف الرجال عند القدرة عاملين بالقول العظيم ادا دعتك قدرتك علي ظلم الناس فتدكر قدرة الله عليك فتحية له ومن نصر الي نصر

يا اخى ابوحمد الشيخ هاشم بشر انسان يخاف ربه كما قلت ولايمكن ان يفتح سجون لليبين كما كان يفعل الدكتاتور القدافى وانا ايضا متاكد انه سوف يطلق سراح كافة المعتقلين لنه يعرف حقوق افنسان وتقيد الحريات التي هو ايضا عاني منها كثيرا في عهد الطاغية والله في عون العبد مادام العبد فى عون اخيه وفى النهايه كلهم ابناء ليبيا وهو لا يرضي بالقهر لابناء شعبه مهما كانت اوضاعهم وسوف تتاكد من كلامي قريبا انشاء الله

الاخوين اصحاب التعليق 47 و 48 انتم لاتعرفون الحقيقة عن الشيخ هاشم اقول لكم ان الشيخ هاشم عبارة عن واجهة فقط ولكن الدي يقرر يعتقل ويعفي هو نائبه هيثم شوفو كم واحد من المعروفين تم الافراج عنهم من كتائب اخري وبعد ان يسمع عنهم السيد هيثم يدهب ويعتقلهم مرة ثانية ويطلق سراحهم بعد ان يدفعوا له المبلغ الدي يطلبه وهكدا تحول الثوار والدين ثاروا على الطاغيه القدافى الي سماسرة في اخوانهم الليبين اين المسولين من هده التصرفات التي اساءت الي الثوار واقول صح النوم يا مجلس انتقالي رغم انني اعرف لاسلطه لكم علي احد وربي يكون عونكم

نحن الشباب الثوار بسوق الجمعه نتبري من المدعو هيثم وشيخه هاشم بشر هم عبارة عن عصابة سراق مترتشين يعتقلون فى الناس ظلما وبدون وجه حق مقابل حصولهم على مبالغ ماليه فنحن نطالب من وزير الداخلية وكدلك وزير الدفاع ورئيس الاركان التصرف مع هوءلا ء المجرمين الدين شوهو سمعت الثوار واصبحوا لافرق بينهم وبين عصابات المجرم القدافي والا سوف ننتقم منهم بانفسنا ومن يتغاضي علي افعالهم

ربى يحفظكم ياتوارليبياالله واكبرولله الحمد من بنات طرابلس الاحرار وربى ينصركم انشاء الله

الله واكبر يا توار ربى ينصركم