-
أسأل الله أن يفرج كربك ويأتيك بما يسرك قريبا ، وبعد فإن هذا الموضوع بعد التثبت من صحته ، يجب محاسبة كل المسؤلين على وضعك بداية من المكتب الكندي مرورا بمدير إدارة البعثات ونهاية بوزير التعليم ورئيس الحكومة الانتقالية ، ولا أغفل عن ذكر المسؤول عن السفارة الليبية في أمريكا ، كيف يرضى وتقر عيناه بالنوم ومواطنة ليبية يحصل لها ماقرأناها ، ولكن قري عينا فإن الليبيين سيطهرون بلادهم من المسؤليين الذين لاتعنيهم راحة وأمان وعزة الليبيين وخاصة طلابنا في الخارج .
-
اتقوا الله في أمانتكم
أقول للمجلس الوطني الإنتقالي وللحكومة الإنتقالية ولوزير التعليم العالي ولكل من له يد في شؤون طلبتنا الدارسين بالخارج والداخل أيا كانت انتماءاتهم السياسية فهم قبل كل شيئ ليبيون فاتقوا الله فيهم واعينوهم علي تحمل أعباء المعيشة فهم لا يطلبون إلا أبسط حقوقهم علي هذا الوطن الذي أنتم مؤتمنون عليه ومناط بكم السهر علي أمنه وأمن أبنائه بالداخل والخارج وتلبية الإحتياجات الأساسية للجميع بغض النظر عن مكان تواجدهم.
هذه الإستغاثة يجب ألا يرجع صداها إلا وقد أجيبت .
ياسادة أختنا ومثلها كثيرات وكثر بالداخل والخارج يعانون من {طولة بالكم} ونظرتكم التي لا يجدون لها تفسيرا سوى أنكم لا تصدقون أن هذه النداءات والإستغاثات ما جاءت إلا بعد أن نفذت كل الحيل . ولكن ثقوا أنكم مخطؤون وأن الله سيسألكم ألم يكن هؤلاء من الرعية التي حملتم أمانة السهر علي راحتها وتلبية احتياجاتها ولم تفوا بذلك.
-
اى علم جرثيم تدرسى فيه نحن الان بحاجة لعلم الجراثيم البشرية يالى عندنا بالله روحى وفكونا من مضيعة الوقت والمال
-
ما هذا يا إدارة البعثاث اي يصل الامر الى هذا الحد من عدم الاهتمام بطلابنا بالخارج حتى يلجأ الى النداء مما هو حق لهم وبدون جميل حد مدام الدولة أوفدتهم لدراسة فيجب ان تمنح لهم جميع المقدرات المالية والمعيشية والنفسية بحيث يتفرغ الطالب في الاجتهاد ولا يلتفت الا للعلم وللعلم فقط اقول ان لم تقدر ادارة البعثاث هذه الظروف فنأمل ان يستقيل المدير لن الطلبة الليبين في الخارج امانة في اعناقهم .واذا كان هناك بعض التسويات وتفحيص والتمحيص فنأمل الا يكون هذا التفحيص والتمحيص على حساب ايقاف المنح بل اطالب بان يتم زيادة المنحة الدراسية بنسبة 150% من الاخير مش خسار فيهم مالهم وبتمتعوا به في الخير
-
لست وحدك أختي الكريمة..المعناة هنا شملت الكل من هذه الاجرأت الارتجالية اللامسؤلة وكأن لسان حال الغرياني وعامله الوكيل تقول اللي ماداراش فيكم بوشفشوفة وجماعتة تو احقوه في ايامي
وكانك ياغرياني وطني وقد المسؤلية ليش ماوقفتش البزناسة اللبنانية اللي زورا مسميين ارواحهم كنديين وهم اللي كانوا ومازالوا جزء رئيسي من فساد العهد السابق
-
وزير التعليم العالى خارج نطاق الطغطية ... عليك مهزلة الحكومة المستوردة
-
يياوزير التعليم العالى يجب اختيار مسؤل البعتات فىالخارج من الدين عانوامرارة الجوع وتاخر المنحة ويعرف ان الطالب فى الخارج لايوجد معاه خوه وعمه ولاصديقه الطالبة هدة هى احدى الكوادر الطبية اللى احنا فى انتظارها لتطوير الخدمات الطبية شن تبوها اتبيع سبحان الله نجوع نحن فى ليبيا وتعيش هى وتقرا عند الامريكان غادى لافيه خوى ولاعمى مهما صرفنا من اموال على اولادنا موش خسارة ياوزارة التعليم كان ماعنكمش فلوس قولولنا نزيد نفتح بئر نفط اوبارى والا نلمدلها احموا بناتنا وطلبتنا بالخارج هم رجالات وعلما المستقبل اصبرى يااختى وامشى الى واشنطن دى سى واسكنى فى بيت الظيافة التابع للسفارة وردى بالك تروحى النجدة لها ياوزير التعليم العالى اوعى تضعفى اصبرى انا متاكد ببادن الله سياتى الفرج اخوك الفزانى
-
صدقت فتاليف الحياة في مدينة نيويورك تعتبر الأعلى في الولايات المتحدة، ومن المؤكد أن المنحة الدراسية الشهرية لوحدها لن تكفي بأي حال من الأحوال. أقترح عليك الإلتجاء للبعثة الليبية في نيويورك فمقرها عمارة شاهقة يمكن أن تسكن كل الموظفين والطلبة الدارسين بنيويورك وبخاصة من يعيشون ظروفا بالغة السوء كحالتك. كيف يساعدك المسلمون والعرب ولا تجدون الحضن الدافئ لدى اخوتكم اللييبيين المسؤولين في عين المكان؟
-
الحقيقة المرة:
بعد أن شاهدت السيد وكيل وزارة التعليم يتحجج بحجج واهية، ويقول الطلبة ليسوا في زردة على حد قوله، فلا تطمعوا منه ولا من وزير التعليم بالخير، وأقولها لكم بصراحة لا تحلموا بالأتي:-
1. زيادة المنحة.
2. التمديد، وخاصة للذين تجاوزا المدة.
3. التمديد للمعيدين من الماجستير إلى الدكتوراة، كما كان في عهد النظام السابق.
للعلم:-
والله لو يجدوا كيف يقطعوا عليكم المنحة وترجعوا لليبيا ماهم مقصرين بعد ماسمعنا كلام السيد الوكيل.
الحل:-
لابد من ثورة أخرى ضد هؤلاء الناس، وأن يمسك هذه المناصب شباب يحسون ويشعرون بالطلبة بالخارج.
ثم يا سيادة الوكيل ما هو الفرق بين السعودي والليبي؟ وأنت تقول لا تقارن الليبي بالسعودي؟!!
النفط موجود والحمد لله والأجود في العالم، والعدد أقل منهم بكثير، ولـــــــــــــــكــــــــــــــــــــــن، كيف نعملوا مع سواد القلوب والحسد.
الربيع من فم الدار إيبان، والله شكلنا من قولوا ( ما أبهاك يا إمراة بوي الأولى * تضربيني وتعطيني القنان).
وهذا السيد الوكيل لابد أن يسافر لأي بلد مثل أمريكا أو أستراليا أوغيرها من الدول، وأتحداه أن يبقى فيها شهر بنفس منحة الطالب من غلاء الأسعار.
اتقوا الله في الطلبة يا مسؤوليين، ولماذا قام الأبطال بهذه الثورة؟؟؟؟!!!!!!!!!!!!!!!!!!!!!!!!!!!!!!!!!!!!!!
الخلاصة :-
لابد من ثورة أخرى ضد الناس الذين يقفون ضد مصالح الناس. وياويلهم من ربي، بالله عليك شوف حال أختنا ياوكيل وزارة التعليم، فعلا كلامك صح، لا يقارن الليبي بالسعودي، لأن السعودية لا ترضى بأن تهين طلابها حيث يعيشون على مساعدة الأخرين.
لا حول ولا قوة إلا بالله العلي العظيم.
وإن شآء الله ربي يفرج عليك يا أختي في القريب العاجل. ولكن من كلام سيادة فتحي العكاري، ضمي وجهزي روحك بسرعة، وربي يعوضك خير.
-
مدة دراسة الماجستير 3 سنوات كافية. وحيث أن مستواك في اللغة لا يسمح لك بالدراسة في أمريكا وجب عليك الذهاب لساحة أخرى. أم تريدون دراسة اللغة لوحدها والماجستير لوحدها وتصبح مدة الماجستير 5 سنوات؟ لا تعلقوا أخطاءكم دائما على الدولة. اللائحة واضحة منذ البداية، وأنت وحدك من أقدمت على ما أنت فيه، مع علمك المسبق بكل ما سيترتب على اختيارك.
-
فكونا من الجو انتم اصلا كيف طلعتو في عهد المقبور
اكيد بالواسطة
وماشية الي نيويورك اغلى مدينة في امريكا
تاقص غير نقرو بدلك . المفروض كل الي يدرسو برا ير ايروحو الناس هنا مافيش مرتبات وانتي اتكولي زيدوني
اتحشمو شوية على وجوهكم
-
ربي يفجر كربك وللمعلقين سلبيا قل خيرا أو أصمت
-
( 13 )
ليبي حر متبغدد من هالمتشمتين
كل ما نقرا تعليقات بعض البشر هني نحس انه ربك ماحط علينا بوشفشوفة مدة 42 سنة الا لعلمه تعالى بسواد قلوبنا .. سبحان الله بدل ما تشدوا علي يدها بالك تروح متعلمة تنفع البلاد يجيك بنادم يقولك لا خلوها تروح.. تبوا جهلة زي معتوق يحكمكم مش من وجهنا حني الليبيين شوره يحكمونا متعلمين
-
يا ثائر ارحموا ما في الارض يرحمكم ما في السماء الخير موجود لكن الله غالب ما وخدينه الا الصحاح وكل واحد وضروفه وربي افرج اعليها البنت أني اول وحده حالي زيها وربي افرج اعليها بسبب غلطة دكتور في ليبيا أمي فقدت رجلها وكان علي وشك الموت مع انه الدكتور الليبي كان عنده فرصة ان ينقدها لكن للأسف فقدت رجلها وبعد اربعه اشهور اتحسن حالها صافرنا بيها لمريكا ولما ارجعنا بيها في ليبيا استبدلواها حبه الضغط باسبرين اعليك دكاترة ارجعنا بيها هده الضروف الي تخليك اتعيش برا واعلي حسابك ودوله خاليه أقضية وربي العالم بين الدراسه والعلاج كيف يمشي الحال والشكوة
-
الاخ تائر---ارجو عدم الاستعجال في الحكم على الناس والاستهزاء بمشاكلهم----واختيار الالفاظ التي ترتقي لمستوى النقاس الراقي الدي يليق بالتوار متلك-
الاخ متصفح---يبدو انك اسم على مسمى فلو انك تتدكر وتفكر وانت تتصفح لوجدت ان مشكلة اللغة مشكلة للغالبية من الليبيين ودلك ان المقبور منع تدريسها في مناهجنا----------حسبنا الله ونعم الوكيل
-
نتمي من الله ان يفرج همك لكن لماذا لم يتم ايقاف المنحة عن اللجان الثورية الذين هم يتطاهرون في امريكيا تاييدا لمعمر حتي يوم 19-8.
بل ان بعظم يجهز نفسه للايفاد الان
-
اختي الفاضله انا كنت نجمع في مبلغ بنطلع على احسابي الخاص ..... انا جاهز للمساعده..... وعارف ان هذا مش حل بس هذا الي نقدر عليه ربي يفتح عليك فتح العارفين بالله ...... مش تبوا تبنوا ليبيا اهم الي يبنوها الناس المتعلمه خريجي امريكا و بريطانيا بس خساره .......خساره يا بقايا وطن يسمى ليبيا
-
( 18 )
الى متصفح رقم 10 وتائر رقم 11
يا متصفح لائحة البعثات التي طبقت في امريكا لم يجري عليها تعديل لأنها لائحة الدراسة في بريطانيا وامريكا وبريطانيا تختلفان تمام الاختلاف في النظام الدراسي و3 سنوات لا تكفي لأغلب التخصصات في امريكا وخصوصا الطب البشري والاسنان وغيرها وكذلك المتطلبات للحصول على قبول اكاديمي في الجامعات الامريكية تكاد تكون تعجيزية نسبة الى مستوى الطلبة الليبيين في اللغة الانجليزية ومدة سنة المحددين بها
ويا سيد تائر طلعنا في عهد المقبور بقرايتنا وتعبنا صحيحلاانكر انه فيه اللي طالعين بالواسطة ولكن هدا لا يعني انه كلنا طالعين بالواسطة والبنت مشت لنيويورك لانها حصلت القبول غادي مش حبا في نيويورك هدا كله باش تعرف انها ماشية تقرا مش تلعب
وتوا اتقول كلكم روحوا يا سيد الطالب اللي يروحلك بشهادة عليا من احسن الجامعات في امريكا ليه دور كبير في بناء ليبيا الغد وانت وامثالك الظاهر لا تعنيهم مصلحة ليبيا في شيئ
-
اتقوا الله يا اخوتي وانت يا ثائر عيب عليك وكما يقال ارحموا عزيز قوم ذل فما بالك باختنا اولم تفهم بأنها لمم تتحصل علي قبول الا في تللك المدينة التي ذكرتها
عليه نطلب من المسؤولين اتخاذ الاجراءات اللازمة
وانت يا رقم 3 لاداعي للتهكم سترك الله وستر اخواتك
-
الله يفرج كربك ويزيح ما يسمى بوزير التعليم العالي انا لاادري هذا الوزير كان مقيم في امريكا 30 سنة وهو ادرى بحياة الغلاء فيها والا الدهى والامر قاهر بن قاهر وليس طاهر بن طاهر مدير البعثات هو لم يعطي طلبة الساحة السورية والذي يأتون الى مكتبه كل يوم حقهم فسورية قد طردوا سفارتها وقطعوا العلاقة بها هذا بالاضافة الوضع الامني الحرج فيها وضاعة دراسة هولاء هباء لما لم يصدر قرار بتسفير المدة والبحث عن دولة اخرى والله كان الامر سهلا ايام النظام السابق فعندما حدثت الحرب على العراق عاد الطلبة وسفرت المدة وسافروا لدول اخرى حتى امريكا نفسها عادوا طلبة ولم يتحصلوا على قبول وسفرت المدة واتجهوا الى دول اخري ولا تقولوا ياجهلة هولاء الطلبة مقربون من النظام وهذا كلام المغيب بفعل الحقد على الطلبة الذين اكملوا تعليمهم وتفوقوا والله اكثرهم طلبة من اسر مستورة ولم من الف تم ايفادهم في السنوات الاخيرة جامعة الزاوية لم يعد فيها حامل ماجستير اومعيد الا الذين تم تعيينم من سنة المهم ضاع دماء الشهداء هباء وتربع ابناء البشوات وابناء الغرب المرفهين على كراسي السلطة والمال اما من وصل من الثوار الى ذلك المكان فلا يهمه الامليشيته المسلحة وكم يجمع من غنائم وكم يعتقل من مؤيدين بسطاء روأوا ان الامان الذي كانوا يعيشوه ضاع كما ضاع طلبة امريكا وطلبة سوريا
-
بالله ياأختي, انا حصلت التوفل و الجي ار اي في تلات شهور و حصلت قبول قبل مانكمل سنة و درست و كنت متفوقة و الحمد لله بشهادة اللي ندرس فيها. لكن بسب الظروف في ليبيا و لان الشركة الكندية منعتنا ان نقروا الفصل الصيفي اللي فات, انا مازلتلي مادة واحدة للتخرج و المادة هذي ما تنعطاش الا في الفصل الصيفي. طلبت تمديد لمدة اربعة اشهر باش انكمل و لحد الان ما ردوش عليا و هذا اول تمديد نطلبه. و الشركة الكندية تهدد بقطع المنحة و التامين عليا و على صغاري مع انهم هم السبب والبعتات لا حياة لمن تنادي. بري اجري على الويك و الفود ستامب من توا كان صغارك مولودين في امريكا ودريلهم التأمين المجاني والله المستعان.
-
التعليق رقم 10.11 ياطحالب اقر كلام الحرة وافهم وانت اجهل من القذافي المقبور وشني تعطو فيهم من فلوس بوكم وانت يا ثائر برة شوفلك سيارة مشطة ولا من غير جو طحالب شكلك ثوار شهر 8 هههههههههههه
-
اتفهم لماذا لم تتقدم ليبيا من خلال بعض التعليقات و الحمد لله انها ليست بكثيرة. تعرف ماذا تعني 1200 في GRE و 95 في التوفل يا عبقري انت و اياه يعني ان المراء هذه نابغة. لا يضرك اختي ابعثي لي برسالة علي علي الايميل lwikileaks@yahoo.com و ان شاء الله نساعدوك ماليا.
-
لاحول ولا قوة الا بالله. انشاء الله ربي يفك عليك الظلم وترد لك المنحه وتقدري تكملي دراستك وترجعي الى ليبيا بشهادتك ويرد ربي تعبك وينسيك اللي شفتيه في غربتك كله . انا عندي ملاحظه للمتصفح رقم 10 ان مستوى اللغه للطالبه غاده جيد جدا وممكن تعرف بمجرد انك تشوف درجة امتحان التوفل (TOEFL) واللي هيه 95 وهو عباره عن امتحان يحدد مستوي اللغه . حبيت بس نقول كلمت حق لوجه الله تعالى.
-
( 25 )
احمد الطاهر رمضان امتيريس
الي رقم 10
لقداتمت الدكتورة اللغة في عشرة اشهر بدلا من سنة , وتحصلت علي توفل 95, وهذا يعتبر ممتاز جدا.
ولا اعتقد انك تفقه ما تقول
-
لا تضع اللوم علي. الطالب بل أضع اللوم علي الحكومة لعدم وجود تخطيط ودراسة صحيحة لتأهيل الطالب لغرض استكمال الدراسة العليا او الدقيقة بالخارج اولا من المفروض معرفة نظام ومدة الدراسة بكل بلد لانها تختلف من بلد الي اخر مثلا في الولايات المتحدة لدراسة رسالة الماجستير تختلف المدة باختلاف التخصص وبختلاف نظام الجامعات من سنتان الي ثلاث سنوات في بريطانيا من سنة الي سنتان اما بالنسبة الي رسالة الدكتوراة في امريكا من اربع الي ست سنوات هذا طبعا سنة دراسة اللغة غير محسوبة من ضمن البرنامج .. بالنسبة للغة المفروض يتم تأهيل الطلبة داخل ليبيا بتدريبهم وتجاوز الامتحان المطلوب قبل التقدم في اي جامعة او السفر الي البلد الموفد اليها هذا النظام يتم بالشركات النفطية وهو ناجح جداً وباقل مصاريف بان لا يسافر الطالب الا بعد تجاوز امتحان اللغة والحصول أيضاً علي القبول من الجامعة المراد الدراسة بها .. اذا تم تطبيق هذه المعايير فانا متأكدة بان هذه المشاكل تقل وأما بخصوص المنحة فيجب ان تكون هناك دراسة من حيث المصاريف الحياتية لان كل ساحة تختلف عن الأخري وفعلا انها لاتكفي خصوصا للعائلة التي تتكون من اكثر من شخصين ....وربي يعينكم يامجاهدين في سبيل العلم
-
السلام عليكم
اولا اترحم على ارواح شهدائنا الابرار الذين دفعوا ارواحهم فداء الوطن
والله ان ادارة البعثات والتعليم العالي ادارة فاشلة وغير مؤهلة حتى لادارة مدرسة لقد تجصلت علي ضم للدراسة هنا بعض انتظار سنتين حيث كنت اعمل وادرس في نفس الوقت وكانت هناك صعوبات في ذلك ولكن بتوفيق من الله واصلت وبعد حصولي على الضم توقفت على العمل لانهاء دراستي في اسرع وقت.فوجئت بتوقيف منحتي بعد شهرين وذلك لان ادارة اليعثات طلبوا مني قبول ماجستير في خلال 15 يوما ومتى كان ذلك في اواخر شهر 12 حيث كانت جميع الجامعات مقفلة للاحتفالات بعيد المسيح وراس السنة وبخلاف ذلك من اين تستطيع الحصول على قبول ماجستير في غضون 15 يوما من الاخير ادارة فششششششش
-
اختي الكريمة غادة انا طالبة ليبية موجودة في امريكا في ولاية فلادلفيا ارغب في الاتصال بيك ممكن لو سمحتي تحكي معي هذا رقم هاتفي 5172081870 ارجوا منك الاتصال بي ضروري جداً
-
بالله عليك هذا كلام الدولة تعطي فى الطالب 2200 دولار شن ها البخل على الطلبة. يا اخوة 2200 اجرة اسبوعين لشخص يعيش فى نيويوك يالله حالة الباين انه مافيش فرق بين ليبيا الجديدة والجماهيرية القذافية. الشباب ثار من اجل حياة كريمة وان يفتخر كونه ليبي وليس لان يهان وان يتسول في بلاد الغربة ياوزير التعليم ويارئيس قسم البعثات اللي فالح فى التدهوير من مكان الى اخر علي حساب الطلبة اتقو الله وتحشموا هدو اولادنا والله نصرفوه عليهم مش هلبة هليهم. على فكرة انا عمل حر وسبق ان زرت امريكا الشمالية. يالله حالة 2000 دولار مايسدونيش لمدة اسبوع وخاصة في ولاية زي نيويورك او كاليفورنيا
-
الليبيين سيطهرون بلادهم من المسؤليين الذين لاتعنيهم راحة وأمان وعزة الليبيين وخاصة طلابنا في الخارج .
-
( 31 )
الي ثائر رقم 11 - سؤال
كيف يمكن ان يكون الثائر غبي؟!! أعد قرأة المقال مرتين ربما تفهم !
-
والله ما تتحشم علي وجهك يا صاحب تعليق رقم ١١, هدا الحسد والبغض اللي تكلم عليه صاحب التعليق رقم ٩ كله تجسد فيك,
-
فكونا من كلمة ساحة .خزيه على اعلام القذافى ومازرعه فى عقول المرضى قالك ساحة .ساحة شنى ساحة لعب كرة ساحة رياضة ساحة جمباز ......
العاملون فى ساحة لبنان يرفعون اسمى التقدير الى المعلم والمفكر والصقر والبومه والهرواك والخروف ويعاهدونك بانهم سيبقون فى الساحة الى الابد لان الساحة ساحتنا وساحتنا ساحتك ......
هذه هى كلمة الساحة وووووووووووووووواك راسى
-
ان 90% من الطلبة الموفدين للدراسة بالخارج لاتنطبق عليهم شروط الايفاد للدراسة بالخارج من حيث مستواهم العلمي ومؤهلاتهم وقد تم اختيارهم بالواسطة لعلاقاتهم باعضاء من اللجان الثورية او الامن الداخلي والخارجي او الامناء او لكونه قذافي او ورفلي....الخ.
شاهدت على احدى الفضائيات الليبية موفد في الخمسينات من العمر يحضر لدكتوراه في التاريخ في امريكا ويطالب بتمديد ايفادها لانه يوجه مشاكل في اللغة الانجليزية وغيرهم الكثير في ماليزيا وبريطانيا وفرنسا(الكل يطالب بالتمديد وزيادة المنحة الشهرية، ولاادري كيف يعيش طلبة الدول الفقيرة والذين يدرسون بالخارج بمنح دراسية من الجامعات!).
قبل الخوض في زيادة المنحة الدراسية او التمديد يجب مراجعة قوائم الموفدين وعودة من لاتنطبق عليه شروط الايفاد، للدراسة بالخارج او لم يتحصل على قبول اكاديمي او لم يجتاز اختبار اللغة الاجنبية.
وفي جميع الاحوال يجب ان يقتصر الايفاد للخارج على تحضير شهادة الدكتوارة فقط و تكون المتوفوقين وبعد اجتيازهم لاختبارت اللغة وحصولهم عى المعدل المطلوب في التوفل او الايليس وتنحصر في العلوم التطبيقية كالطب والهندسة والعلوم والزراعة..
ان ما يتم حالياً هو استغلال للدولة الليبيبة واستنزاف للمال العام من حيث التمديد وزيادة المنحة الشهرية وعند حصول الموفدين على شهاداتهم فانهم يفضلون البقاء والعمل بالخارج على العودة لليبيا .
يجب اعادة النظر في لائحة الايفاد للدراسة بالخارج بحيث تنحصر فقط في تحضير شهادة الدكتوارة بعد حصول الطالب على شهادة الماجستير والمستوى المطلوب من اللغة الاجنبية و ان يتم تحديد الجامعات التي تتم بها الداراسة وحصوله على قبول اكاديمي ، اما ان يذهيب الطالب الى الخارج ويقضي ثلاث سنوات في دراسة اللغة و البحث عن جامعة تقبله للدراسة فهذا ضحك على الذقون وتبديد للمال العام وهدراً للوقت الذي هو من ذهب.
-
أثرتي فيا والله , واعجبتني صلابتك ,, لا تبتئسي سيجعل الله لك مخرجا ياأختي إن شاء الله , ما ضاقت إلا فرجت , لا تفقدي الأمل
-
( 36 )
ليبي متأسف على حال أختنا بأمريكا
يارقم 35، أو يامحمد فرج، قل خيرا أو أصمت ياراجل، وخلي الناس تقرأ وتتعلم.
لا حول ولا قوة إلا بالله العلي العظيم
فعلا القذافي إنتهى، ولكن زرع فينا الحقد والحسد.
إن شاء الله ربي يفرج عليك يا أختي في القريب العاجل.
وربي يحنن قلوب الشعب الليبي على بعضه يارقم 35.
وللمسؤولين:
اتقوا الله في الطلبة، فالله رقيب عليكم ويوم الحساب عسير.
-
والله تم والله ان كانت هنالك مصداقية ونزاهة واخلاق وبعد اطلاعنا على ماساة هده المواطنة الليبية*** انها فضيحة وعلى وزير التعليم تقديم استقالته هو وازلامه استحوا استحوا استحوا وتحشموا وتحشموا يا لصوص يا سراق يا مخانب طالبة ليبية تعيش على مساعدات المسلمين في اميركا ولا حظوا معي ان درجاتها تشرف وترفع الراس وهو دليل على الاجتهاد والكفاح ** هيا وين الرفاهية وين البدخ وين العز والدز مواطنة ليبية عاجزة عن ايجاد قوة يومها وعاجزة عن ايجاد حليبي لطفلتها وينكم يا اصحاب الفزعة يا رجال يا كدابون يا بلاعيط انقدوها اليوم اليوم وعاجل وليس اجل انها شرفكم واختكم وامكم ومكنوا زوجها من فرصة عمل في المؤسسات الليبية في اميركا استحوا استحوا تحشموا تحشموا
-
( 38 )
نصيحة للطالبات الموفدات
ندعو الله ان يفرج كربك وان تنحل مشاكل الطلبة المتواجدين في الخارج . عندي ملاحظة تو بالله يااختي ذكرتي انه لك طفلة عمرها اسبوعان بالله انت ماشية تقري والا ماشية تجيبي في الصغار في امريكا . مش عارفة الليبيين شنو صار ليهم اللي مشوا الي امريكا على طول جابوا طفال غادي , انا لما كنت مرافقة لزوجي رفضت انجاب اطفال وراء بعض علما بان الدولة التي كنت فيها تعطي راتب للمراة الحاملة منذ الشهر الرابع للحمل وبعد انجابه ويسنمر الراتب الي مدى سنوات اقامة الاسرة في تلك الدولة وكان المبلغ المبداي 180 يورو شهريا ومع مرور السنوات يزداد الراتب .علما بان لكل طفل في الاسرة راتبه الخاص بشرط ان يكون ولد في تلك الدولة
-
انا مع رقم 35 فعلا ان اغلبية الموفدين للدراسه عن طريق الواسطه و التوصيات لشريحه معينه في المجتمع
الخماهيري اما بقية ابناء الليبيين عاطلين عن العمل او امتهنوا بيع السجائر او سائقي iveco او تاكسيات او متعاونين نع اجهزة الامن
-
الشئ اللى يحير انكم عارفين اللوائح و كاتبينهلكم بجدر نخلة و لكن الواحد ليش خاش على جبل بقادومة؟ السبب معروف ايامات الكلب معمر مافيش منو يحاسب فيكم على الهيدقة متاعكم مش مشكلة يمددولكم سنة واتنين وعشرة طالما انك لقلق لجان تورية وحرس اخضر و حرس احمر وين المشكلة و لهدا عمركم مادرتو حساب للقيود و اللوائح والمصاريف لكن اليوم موش كيف امس.
4 سنوات للماجستير يكفن لدراسة 2 طلبة مجتهدين و متاع قراية. بالنسبة للجى ار اى 1200 ماهنش حاجة خارقة الا لواحد ناجح بالدف. روحو سادكم من سرقة فلوس الناس الكحيانة الله لا تسامحكم.
-
( 41 )
مختار الغريانى / طرابلس
هذه الطالبة من المجموعة اللى قامت بأيفادها ما يسمى بجمعبة سيف مزيل البطشة ودراسة اللغة هذه واجبة امالا كيف الدراسة باللغة العربية مستحيلة وبعدين علاش متسرعة فى السفر عندما سمعت بقرار الايفاد كنت عملت الاجراءات المالية ومخاطبة الجامعة فى القبول بالسنة الدراسيةيعنى ظمنت المكان قبل ونحن نعرف ان التقدم للجامعات للدراسة مش فى كل وقت مدة محددة ومبرمج لكن مشكلكتم غير تسمعوا بقرار الايفاد حتى حوايجكم مستعدين يبعثوها بعدين مستعجلين يعنى واللى بعثم مزيل البطشة مش مسؤولين عليهم شن دخلنا احنا شوفوا حالكم وتوا علاش البكى زمان المنحة راهى يالله توصل يوم 20 من الشهر وبعدين كيف متزوجة وتسافرى مع الاولاد يجب ان تكون هناك ضوابط للايفاد راهى مش رحلة استجمام والا سياحة وبعدين ليش القراية فى نيويورك ما هى معروفة منطقة غالية وما فيها غير البعثاث التابعة للامم المتحدة وقصة هالببى والغلا والدلع والدموع معادش تمشى عجبك باهى كا ن ماهذا الطيارة والمطار وطرابلس خير ويزى من العويل.؟
-
( 42 )
كلمة حق من متخرج من امريكا
اولا يا اخت انا نعرف ان طالب الطب المفروض يبحث انه يجتاز امتحانات USMLE ويحاول يجيب درجة مش اقل من 95% في الثلاث مراحل (steps) للامتحان على شان يدخل على الماتش وينافس الطلبة الامريكان انفسهم والهنود والعرب الاخرين ويتخرج دكتور صح, وكلامي هذا يجمع عليه طلبة الطب كلهم, اما بالنسبة لتحضير الماجستير بس في الطب فكل الطلبة في الساحة الامريكية يعرفوا انه جاء بقرار في عهد القذافي من امين التعليم انذاك للطلبة (لااريد ان اقول الفاشلين) لكن الذين لم يحالفهم الحظ في اجتياز امتحانات اليو اس ال ام اي وجابوا درجات اقل من 95% وبالتالي لم تعد عندهم فرصة في الماتش والمنافسة مع الدكاترة الامريكان والهنود وغيرهم, اما بالنسبة لدرجاتك في التوفل والجي ار اي, للاسف الامتحانات هذه زي ما كل الطلبة عارفين جعلت شروط قبول لطلبة الهندسة, الاقتصاد, المحاسبة, القانون وغيرها من هالعلوم, لكن طالب الطب الحقيقي يتبجح بامتحانات اليو اس ال ام اس يا اختي, لانك لو نجحت بتقدير في الامتحانات هذه ما تحتاج لا توفل ولا جي ار اي ولا جيمات, اما بخصوص القبول عمرها ما كانت الدولة تجيب قبول لحد, هذه امريكا عندك امتحانات ودرجة معينة تجيبها فيهن, اوصلتها والله حتى اوباما ما يمنعك من القبول , ما جبتها حتى اوباما ما يقدر يقول عطوهم قبول, حقك على الدولة طالما كفلاتك ماديا وبارك الله فيها تاخذي منحتك وتدفع عليك تكاليف الدراسة والتأمين الطبي وهو اللي مش متوفر الا للطلبة الخليجيين والليبيين على مستوى العالم, لان مشكلة الطلبة الدوليين من غير العرب هي دائما مش كيف يحصل قبول لا, لكن كيف يجيب درجة عالية جدا بحيث يلقى جامعة تدرسه على حسابها, والا اذا كانه دكتور كيف يجيب معدل عالي جدا في امتحانات اليو اس ال ام اي بحيث يلقى مستشفى يتبناه ويدفع مصاريف دراسته, لكن ان تكون الدولة متكفلة بدراستك ومنحتك الشخصية ورسوم الدراسة وتأمينك الطبي وزايدة حتى المنحة لان عندك اسرة, ومازال تبي تجيبلك قبول وماجستير في الطب مش ماتش؟ معناها خلاص قولوا للبعثات المرة الجاية يبعثوا معاكم هنود ويقروا عنا وخلاص, هذا كلام الحق يا اخوان ينقال, واخيرا عن المنحة قليلة والا كثيرة هذا يلعن بو اللي يحسد ,ليبيا غنية وان شاء الله يعطوكم 10000 في الشهر هذه ما عندي عليها تعليق ان شاء الله ربي يعطي, وربي يوفقك.
-
الليبين والله يشحتو فى امريكا ..
سبحان الله
وزير التعليم الحالى ؟ يتبع فى سياسة القذافى ؟
وهى مكافحة العلم و التعليم ؟؟؟؟
-
The maximum TOEFL score is 677 for paper-based test and 120 for TOEFL iBT
فقط للعلم اقصى درجة التوفل هي 677 كيف جت ال 90, ثانيا دراسة الماجستير ل 6 سنوات امال كم تبي للدكتوراه, اكيد تجي علي التقاعد
-
تسمع كلام د. الطاهر بن طاهر المصراتي مدير إدارة البعثات في مقابلة إذاعية قال كلمني واحد من الثوار مؤهله إعدادية و قال لي أمنيتي نتعلم لغة روسية. ليش لا ممكن نبعثوه في دورة لغة روسية و نحققوله أمنيته . يا سيادة مدير البعثات طالبة ليبية متزوجة تبيع في سلسلة من رقبتها بيش ترجعلنا طبيبة متخصصة و تساهم في بناء ليبيا و أنت قاعد تجامل و تطبطب علي شهادة إعدادية . عفوا يا دكتورة حولي شوية وااااااااااااااااااااااااااااااااااااااااك
-
يا والله حاله وخلاص اغلب التعليقات يفيض منها الحسد والحقد والكراهية وبعضهم يتفلسف على اساس انهم خبراء الزندقة والفندقة الامريكية يا بشر يامرضى قولوا خير واله سكرو خراريركم هذا بدل اتشدو على يدها وتضغطو على وزارة التعليم وادارة البعثات من خلال تعليقاتكم اتنوضوا تتفلسفو كالذى قال ان الطلبة الهنود ياخذو فى منحه من الجامعات هذو يا ضبع دولهم فقيرة وضروفهم يعلم بيها ربي ليبيا دولة غنية حرم المقبور الشعب طوال 42 سنة من التمتع بخيرات بلدهم فلن يقبل الليبيين الاحرار بالحرمان بعد اليوم ويا محسدية بعض التعليقات للرجال الاحرار عرضو المساعدة من حساباتهم وانتم يا اشباه الرجال تحاولون تمنعو حتى ما يمنح من الدولة للطلبة بالخارج الا تستتحون
-
الكلام الي قاله خوي رقم 43 هو الي بيمشي البلاد للقدام الي هوا قوووول الحققق,,,كفانا شهايد نبو كفاءات حقيقية...والاخت لو رجلها معنداش شي ايبيعه في ليبيا احني ممكن انسعدوها,,لان الدولة اعطتها المدة الكافية..
-
للاخ ابو در الليبي التوفل IBT من 120يعني ال90P و غالبا اغلب الجامعات يطلبوا في 80
-
( 49 )
الميؤوس من الليبيين
لكي لاتخطلط الامور علي القاريء, الاخت تدرس في درجة الماجستير في مجال التقنية الطبية, وفي هده الحالة في لائحة التعليم العالي يشترط وجود قبول الجامعة اولا قبل البت في اي من اجراءات التفويض المالي اي يعني ان الطالبة عارفة مدة الدراسة قبل الذهاب الي هذا البلد,, المكتب تم اعطائها فترة التمديد المنصة عليها في اللوائح..يابشر كانكم ماتبوش اللوائح والقوانيين خلي انرجعوكم لعهد معمر,,الاخت أخدت كامل حقها في قرار الايفاد بالنسبة للمساعدة المالية لاتشيل هما اهل الخير كثار وأن واثق من هذا.....
-
انا موفدة ايضا وادرس بولاية نيوجيرسى و فعلا المنحة بالكاد تسد الشهر للعلم انا بمفردى فمابال اسرة. ان شاء الله يسمعوا منك ياخت غادة
-
ارجو من وزارة التعليم العالي النظر في طلب هذه الاخت والاهتمام بالطلبة الدارسين بالخارج وتقييمهم ، لان معظم الطلبة الدارسين بالخارج في عهد المقبور كانوا اغلبهم من ورفلة ( لان امين التعليم في ذلك الوقت المدعو معتوق ) كان قبليا ويخدم في أبناء قبيلته وممكن ترجعوا الى قوائم الموفدين بالخارج .
-
البعثات من حق المصراتيه وبس شهاده اعداديه حتي شهاده ابتدائيه عودوا نفسكم علي هذا المنوال
-
يــــــــــا اختـــــــــي لو كلامك حق
ما نقول الله يكوون في عونك ويفتحها عليــــــك وعليــــا اميـــــــــــــــــــن
قولو امين يا ليبيين
-
الي المعدي رقم 46 انا انقوللك عادي الشهادة الاعدادية يمشى ويجينا ايطربق بالروسي والدكتورة ايزيدوها في المنحه وتجي تعالج الطحالب اللي زييك وليبيا تسع الجميع وانت عليك ب(الرينو ستوب )
-
الى 47 حسد شنو و حقد شنوه. العبد لله ماشيلها امريكا 4 مرات ومن عام 2005 و مكرسع فيها لين مبيد شلايكى و اقسم بالله ما كان للدولة فيها يد الحمدلله بمجهودى و دماغى و عرقى شنو تخرف. ليش العوج يا ليبيين الطالبة كانت عارفة اللوائح والقوانين و ادا كانت عارفة مستواها علاش ما مشت لساحة اسهل وين الحسد. بما ان الصرف من مال الدولة يحق اى ليبى يتكلم لانهم فلوسه باهى علاش فيه الاف من الطلبة الفلاتيز مايعطوهمش نص الفرصة؟
الى 51
المنحة والله كافية لاى واحد ماشى يبى يقراء موش ماشى سياحة. كانك ماشية سياحة معاك حتى عشرة الاف فى الشهر مايكفوش. برو يا جماعة شوفو منحة الفولبرايت كم؟ ممكن الفين دولار او اقل و الناس اللى عندها نية تقراء يمشو بيهن فى امرورهم و ياخدو فى شهاداتهم.
الى 53
بالله يا **** انتى منين؟ اما مصراتية اللى شهايد اعدادية و ابتدائية و ياخدو فى بعثات؟ اهه اوكى عرفتك منين هههههه يا بنت العراعير تملكم
-
الى الفلتوز رقم 56 بالله لما اتقول انا ماشي لمريكا خمس مرات وعلى احسا بى والدولة ماليها يد بمجهودى اوعرقى
باهى كانك من عامة الناس والله فيه هلى فى الوقت هلى شادها فيه انت سفر بين امريكا وليبيا فيه هلى والله الخبزة مش لاقى باش يشريها مش تذكرة طيارة ب 2000 دينار ومصاريف يعلم بقيمتها الا ربى انت يا خوى من الجماعة هلى اعروقكم فى الماء ما اتقارن عامة الشعب بيك يا فلتوز وعلى ها السبب قامت الثورة لانه فيه هلى ايسافر لمريكا اربع مرات وفيه هلى ماعنداش 50 قرش يركب فى الافكو يمشى للعمل ويروح على رجليه من اجل ها لاسباب نطالبوا وبقوة بعدم حرمان حد من الليبيين لانهم عانوا الكثير من الحرمان والعوز وانت وامثالك تتبجحون باموالكم التى الله وحده يعلم مصدرها وبالنسبة للطالبة الليبية خلوها تتمتع بفلوس بلادها هلى انحرمت منهم 42 سنة ايه اوهكى جا فى خاطرها تبى اتسافر لامريكا وتتعلم لغة اوحتى كان تأخرت عام والله عامين مش مشكلة مش هذا حد الدنيا وليبيا الجديدة تبى ادلع ابنائها وبتصرف عليهم وهم يفتخروا ببلدهم ليبيا وسوف يعودوا لبلادهم بشهايدهم ولغاتهم وايساهموا فى بناء ليبيا هلى ما بخلتش عليهم اوموت يا سوس
-
بالله يااخوة اتقوالله الطالبة ناشرة قصتها على الانترنت عسى ان تجد اذان صاغية من قبل المسئولين. هذا ان وجد فالواحد فينا يقل خيرا او يصمت. سبحان الله اخت لنا ومن بلادنا تدرس وهي باطفالها وهذا مش من السهل وخاصة في امريكا مش بريطانيا والا اوروبا ومعروف الدراسة فى امريكا صعبة جدا مقارنة ببريطانيا ومع هذا تمكنت من الحصول على قبول بعد اجتياز التوفل ودجي ار اي وهذا يعتبر انجاز كبيرفارجوكم اللي يقدر حاجة يساعدها ولو بالدعاء وياسر من غير لغو وحسد. ياخي رقم 45 درجة 95 من 120 toefl-ibt
-
انا اوفدت للدراسه فى الخارج واغلبية الطلبه الدين تم ايفادهم معاى من المنطقه الشرقيه وللامانه هناك طلبه ليبيون يدرسون على حسابهم ومنهم من ورفله بالله عليك اتقى الله فى نفسك وابتعد عن الفتن
-
من قال خير ,,,سيجده امامه يوم القيامة,,,ومن قال غير ذلك فاليحذر الله...هذه الطالبة في غربة يعني سفر ومظلومة ...كما ظلم اغلب الليبين من الوضع السابق...فأتقو جميعا (بما فيكم الغرياني و معاونيه) دعوة المظلوم المسافر..أدعوا الله ان بفرج علي هذه الطالبة وعلي كل اهل ليبيا ويهدينا جميعا لما يرضي الله سبحانه
-
باهي ونحن اللي ما بعتناش حد نقرو في الخارج شن نديرو مثلا انا خريج طب سنة 1987 ولانني ليس لديا واسطة زيكم نقعد في ليبيا بس انتو علي الأقل سافرتو وعشتو سنوات بعيد عن القهر اما نحن فنشتغل طبيب عام حتي هذه اللحظة وفي بدايتي كنت نأخد مرتب درجة ثامنة يعني 187 دينار=50 دولار بالاهي عليك إحمدي ربك يلاش إستعباط مع العلم بانني حتي الأن طبيب عام وقريب نتقاعد ......درهتونا كبدنا خلالالالالاص اني كان نوصل امريكا والله ما عاد تشوفو وجهي ومانبيش منكم حتي قرش
-
(حديث مرفوع) حَدَّثَنَا عَلِيُّ بْنُ عُمَرَ بْنِ أَحْمَدَ الْحَافِظُ ، حَدَّثَنَا مُحَمَّدُ بْنُ مَنْصُورِ بْنِ أَبِي الْجَهْمِ الْمَرْوَزِيُّ ، حَدَّثَنَا نَصْرُ بْنُ عَلِيٍّ ، حَدَّثَنَا خَالِدُ بْنُ يَزِيدَ ، صَاحِبُ اللُّؤْلُؤِ ، عَنْ أَبِي جَعْفَرٍ الرَّازِيِّ ، عَنِ الرَّبِيعِ بْنِ أَنَسٍ ، عَنْ أَنَسِ بْنِ مَالِكٍ رَضِيَ اللَّهُ تَعَالَى عَنْهُ ، أَنّ رَسُولَ اللَّهِ صَلَّى اللَّهُ عَلَيْهِ وَسَلَّمَ , قَالَ : " مَنْ خَرَجَ فِي طَلَبِ الْعِلْمِ فَهُوَ فِي سَبِيلِ اللَّهِ حَتَّى يَرْجِعَ " .
الاخوة المعلقين: هل تعلموا ان الطلبة الليبيين المصحوبين بعائلتهم مصنفون من طبقة الفقراء ويحتاجون للمساعدة الانسانية. وان معظمهم محتاجون فعلا لذلك. وكل فرد لابد له من مقعد خاص في السيارة وان له نصف حجرة في البيت ايا كان عمره وان اجار الشقة من ثلاث غرف هي ب ١٤٠٠ دولار وان السيارة ضرورية في امريكيا. وان الشعب اليبي لايرحم ولا يقدر الظروف ومايقولوا الا "فااااااااااشل" وكان الله في عوننا
-
نفس برنامج المردوم سابقا اي قرار ايقاف فوراً يتنفذ بلاهي قاعد فيه الكلام الزايد موقفين التمديد مش عارف شني مداما البنت قعدة تقرى ليش نوقفو عليها المساعدة مش المنحة والسفارة مقتنعة بيها وليش دايرين السفير غادي المفروض عنده راي حتى هو ولا اصرفولها من السفارة وان اشاءالله لاحد جوش شني هالمهزلة
-
ربي يكون في عونكم انشاء الله انتي وكل الطلاب الي في يقروا
-
خير ان شاءالله مع العلم انا حتى الطلبة الليبين لم يجدو مسكن الى الان
-
( 65 )
((تحيى دوله الحقراء))
السلام عليكم اولا ربى يكون فى عون كل الليبيين ثانيا انتى كيف طلعتى برة وفى امريكا اكيد عندك واسطة قويه ايام النظام السابق وفى طلبة تخرجوا ومن الاوائل وقاعدين يستنوا فى رحمة ربى والناس مش لاقية علاج واكل وناس تسكن فى العراء دمرت منازلهم جراء الحرب والسلاح منتشر وقتل ونهب وخطف وانتم اتعيطوا على الفلوس وزيادة المنحة والناس قاعدة متشرده وتلوموا فى الحكومة الحكومه ان شاء الله اتدير حل للبشر المشردة مثل اهالى تاورغاء والقواليش والمشاشيه وغيرهم وانتم تاخدوا فى الدولار واليورو شهريا وباالزايد ومش عاجبكم بالله عليكم تحشمو اعلى وجوهكم او روحوا لبلادكم احنى مازلنا فى حرب والنار مشتعلة فى الكفرة وانتم تبو الفلوس والله قمة المهزلة احنى هنا انتحشموا نطلبوا مرتباتنا لان الحكومة مثقلة جدا وانتم اتزيدو فيهم على همهم وبعدين اتقولى زوجى يصرف فى الفلوس على التاكسى يمشى للمظاهرات اتقول بجميله ليش مايخدم يساعدك اشوى والله خديتو عاالبوبا والبحبوحة ماعندنا ليكم شى زايد ان شاء انوكلوا الليبيين الدين لامرتب لهم والفقراء الدين قامت من اجلهم الثوره اما انتم ماتندرو على شى تاخدو فى الدولار واليورو وتعيطو المفروض الحكومة توقف الصرف الفاضى لين الدوله تصبى على رجليها والى مش عاجبة ايقوللنا كيف حصل القرار بتزكية مكتب الاتصال سابقا اواللجان الثوريه اومكتب المعلومات اوالامن الخارجى اوالداخلى اوالاستخبارات سابقا خلها تصرف عليه بدون زعل معليشى كل الليبيين يعرفو هدا ماتحصل دراسه فى الخارج الابهدا والله تقعد ماشى جاى للبعتاث والى ياخدوا فى المنحة وقاعدين فى ليبيا وين السفارات والملحقين الثقافيين ليش مايدققو شويه معظم الطلبه تصرف عليهم الدوله وهما يدهورو ومايقروش ايعيطوا عاالزيادة والتمديد يفتح ربى لسا فاكر كان زمان يجب اعادة التقييم للدارسين باالخارج بيش نعرفوا الى يقراء صح ماتزعلوش اخوانى الطلبه الوطنيين مانقصدش الكل نقصد البعض الى مخربين عليكم عاالفاضى يجب ارجاعهم وعاشت ليبيا حرة ابيا والسلام عليكم
-
أنظرو كيف يفكر اليهود ((( حدثت هذه المشكلة للطلبة الأسرائليين في كندا .. فقامت دولة اسرائيل بتأسيس جامعة ومستشفى والتعاقد مع أهم أعضاء هيئة التدريس بالجامعات الكندية بحوافز مغرية مما جعل تلك الجامعة والمستشفى منأهم الجامعات الكندية ويتحصل طلبتهم على القبول بسهولة و مجانا ومردود اقتصادي للدولة ))) وفلوسنا رايحات على ملف الجرحى والثوار و تفريق الفلوس على الاغبياء الذين لا عمل لهم الا جمع المال
-
افضل ما قيل فى التعليقات ...
(كل من كتب تعليق برقم 66 او اقل ... فانه انسان عديم العقل و الوعى و التفكير ذو بنية دونية) ....
اتمنى ان يرجع تعداد الليبيين الى مليون او اقل ..... لسنا بحاجة لكثرتنا .....
-
كل من سافر للدراسة بالخارج أيلم الطاغية هو من ازلام النظام كيف ما تبوها وخيرنا احني ما بعثوناش ندرس بالخارج والله كلهم تبع اللجان الثورية والا واله ماهو عافسها وكان يدير جناوح بلاش ك
-
الى الاخ 67
اذا كنا نريد ان نكون مثل الامم المتقدمة فيجب ان نتبع طريقتها فى ادارة اموال الدولة و ادارة التعليم العالى.
عند اليهود و الغرب بصفة عامة اذا كان الطالب استطاع الحصول على معدل عالى فى الثانوية يستطيع الدراسة على نفقة الشعب فى الجامعة.
ام غير ذلك فعليه ان يدفع نفقات دراسته.
و ممكن تكون بدين مقطوع من راتبه بعد التخرج.
لهذا لا يهدر الناس سنوات عمرهم كما يحصل عندنا فى الجامعة .
هنا فى ليبيا الواسطة تلعب دور كرد جميل لخدمات الوالد (استاذ او وزير او شاعر او شيخ او صديق لاحد مهم ) او لطلبة قدموا خدمات للثورة (؟)
او عن طريق جمعية و اعتصموا و هؤلاء يشكلون جزء كبير.يعنى استفادة البلاد صفر.
المشكلة انه لا يوجد نظام لارجاع الاموال للشعب
فالاغلبية يستمر فى العمل فى الخارج اى استفادة الشعب كانت صفر
اما كيف كانت تسدد الحكومة اقساط دراستهم فأكيد من تقليص معاشات العاملين فى ليبيا.
الطالب المميز يعانى للحصول على بعثة و اكيد سيعانى اذا لم تسر الامور بخير.
لا يوجد قوانين تحدد متى يجب ايقاف المنحة و ارجاع الطالب و لا متى يجب دعم الطالب,
و لا كيف تسترجع الدولة حقها اذا لم يلتزم الطالب بالدراسة.
اتمنى الخير للجميع
-
( 70 )
ليبي يحساب الأحول بتيغير من ليبيا القدافي الي ليبيا ناكر وجليل وكيب وبلحاج ايييييه طلع الف معمر
تي هدا كان مازال شوفتيهم حتي الي مش سادينك ترحمي علي عموره انتي وغيرك وعموره ايقول اعطو خمسه والاعضا المخانب زي الاوجلي وغيره في المكتبالشعبي في امريكا ياخدو ويعطوكم الفتات وين معمر كله في معمر ومتعين المكاتب الشعبيا كلهم قصور وأحلي ماركات وأحلي لبس وقالك معمر تي كل واحد ليبي معمر يا دكتورا احمدي ربك قريتي الطب في بلادك معززا مكرمه بي البلاش توا اشبح قداش بيخلوها في ليبيا الجديده وربي يعاونك والله قطعتيلي مصاريني لكن هذا معمر مش عاجبكم توا نشوفو جليل شن يدير
-
الله اكبر سبحان الله من حقك ان تدرسي ولكن هل تظمني لنا انك سوف ترجعين وتخدمي ابناء بلادك اكيد لالان اللي يحب بلاده يتحمل اي شي في سبيل اداء الواجب مش جري وراء الفلوس والغرب لديهم الكثير من الخبرات ونحن نحتاج لهذه الخبرات اتمنى من الله ان يرجع كل الاطباء الليبين ويتحملوا الوضع زينا والا انهم تعودوا على جو الاحانب ومايقدروش يتحملوا هذا الجو واللى مايخدمش البلاد ويوقفوا معاها في هذا الوقت لانحتاجه وقت الرخاء
-
قصتك غريبه والأغرب انك مازال تفكري حتي في الانجاب يا دكتورة. لديك طفلة عمرها اسبوعين ومازال دوري علي المنحة. ارحمي صغارك وارجعي لليبيا وبلاش مهازل.
-
( 73 )
لا يعجبنا العجب و لا الصيام في رجب
لوائح الدراسة في الخارج موحدة و تحدد المدة اللازمة لانجاز كل درجة علمية و تطبق على كل الطلبة الموفدين، و المنحة كذلك تحكمها ضوابط و هي موحدة.
و في هذه حالة، الطالبة استنفذت المدة و لم تكفها المنحة، و لا ينبغي أن نلوم التعليم على تطبيقهم للقوانين و اللوائح. و عليها العودة الى ارض الوطن و ترك الفرصة لمن هو قادر على الحصول على الدرجة العلمية في الوقت المحدد و مستعد يعيش بمبلغ المنحة المحددة. و إلا ما فيش اطباء ليبيين تخرجوا من نيويورك بنفس اللائحة و نفس المنحة اللي تشكي منهم الطالبة هادي.
يا اخواننا إذ التعليم طبقت اللائحة نقعدوا انعيطوا، و إذا خالفوا اللائحة نقعدوا نعيطوا ... و الله شيء عجيب.
-
كان ياماكان بلاد عجب اسمها ليبيا يسكنها جردان عايشين من قلة الموت
-
تبوا تقروا فى امريكا وتبوا الدكتوراه وزيادة المنحة وتبوا نلموا الفلوس ونعطوكم ونحولوا ورير التعليم وندعولكم فى الليل ونقتلوا بعضنا على خاطركم ونوقففوا كل شى فى ليبيا وووووووووووووووووووووووو.........الخ
والى فى ليبيا ماتوا ونقصوا رجليهم والمفقوديين والارامل والايتام وكل من دفع تمن ازالة القدافى والمشاكل الموجودة الى فى ليبيا كلها ننسوها ومعاش نخدموا ونلهوا بيكم فقط على خاطر عيونكم الحلوة
الله لا جعنكم قريتوا الى جهنم الناس تموت فى ليبيا من الطحالب وبدون مرتبات وراضيين وساكتيين ومتحملين كل شى على خاطر ليبيا
اصلا انتم كيف طلعتوا ماهو بالواسطة والتكوليس والى بوه مش طحلب فى الامن
روووحوا الى ليبيا وشنى بتديروا لو جبتوا الدكتوراه الى قبلكم كان اشطر
-
دفنقي
ايه شن بتحكي ماتحكي قال محمود الورفلي
واحد مشنوق ولاخر باله في الحلي
توا احنا فاش ولا فاش
صحيفة الوطن شكلها فاضية ومعادش لقت ماتكتب
نبو المواضيع الوالعة اللي تساهم في الثورة
المواضيع هدي مهمة ولكن مش توا
فيه اللي مش لاقي مايوكل صغاره وهي تقول 2200 شوية عمكم دفنقي للتو الدولار ماشافاش وكان تلاقيت انا وياه مانعرفاش قالك 2200 شوية سلملي عالجمعية
-
عشنا ويا ما حنشوووف عوجه والطابق مكشووف
-
حسبنا الله ونعم الكيل ..ربي يفرج كربك ويسر عسرك والله انت واللي زيك بمشكلكم كرهتوني في الدراسه وفي امريكا اللي نبي نسافر لها قريبا ,لكن الله غالب شنوا نبي نديربعد كل هالخسائر اللي خسرتهن علي مرتين بيش نسافر لأمريكا مع أني مانبيهش لكن جبرونا عليها بطريقه غير مباشره بأغلاق الساحات علينا خاصة البريطانيه ,ياريت يسهلوا لنا الاجراءت ويخلوا الواحد حر في أختيار الساحه اللي يبي يدرس فيها ..نبوا نعيشوا الحريه نحن توا في ليبيا الحره
-
( 79 )
أبو عبدالرحمن المصراتي
قال الإمام الشافعي-رحمه الله- :
صبرا" جميلا" ماأقرب الفرجا *
من راقب الله في الأمور نجا .
من صدق الله لم ينله أذى *
ومن رجاه يكون حيث رجا .
-
تبي نيويورك وتبي السلامة هلبة ومادام راتبك 2229 دولار معناها انت فرد لوحدك لان ال2200 يعطوا فيهم لشخص واحد هذا اللي نعرفه وبعدين تبي اتعيشي في نيويورك و بين طرقها الواسعة و اسواقها الفارهة وووووو لازم تدفعي ضريبة ولا فيه بلدان ارخص من امريكا الاف المرات امشي لافريقيا اللي فيها جراثيم بالهبل وتلخبيط في مناعة البشر تساعدك حتى في ابحاثك لكن احني ما ننظروش للقرايتنا لكن ننظروا انا نقرا في امريكا ولا انا في اسكتلاندا تي ماهي افريقيا ولا الهند يفيدوك اكثر في قرايتك وتلقي ناس بالهبل مريضة اديري ابحاث عليهم واتعيشي في الرخص وامبحبحة واديري 4 نساوين يخدموك هذه مش اهانة قصدي من شدة الرخص لكن احني نبوا ولدك هو وين يقرايا حاج؟؟؟؟ ماهو حتى اهلنا يحسابوها حاجة كبيرة ولدي في نيويورك يقرا بنتي تقرا في السويد واشبح يقروا ولا يقروا هذا شي طبيعي وبعدين ليش تدفعي في 1330 دولار ومش شاملة الماء والكهرباء معناها شقة فخمة واضح وجلي الامر من السعر يا اختي انا كنت بكندا وندفع اقل منك وشاملة للماء والياتريك اقل منك بي 500 دولار وعايش وامبحبح انا وصغاري في شقة مبنية من السبعينات لكن احني نعرفوا بعض لان فيه طلبة ليبيين عار عليه هو وزوجته المصونة بالك اتشوهه الشقق القديمة انت ماشي تطلب في العلم يعني لازم تنسى الرفاهية لان الرفاهية ما اتجيش مع العلم وطبعا اللي يبي يعيش ببناية صنع الالفينات لان عار عليه يسكن في شقة قديمة وهو ولد الحسب والنسب يتحمل ما يجيه وانا اللي نعرفها ومتأكد من كلامي 100% ان المحروسة امريكا ارخص من كندا الاف المرات لدرجة ان الكنديين يمشوا في مئات الكيلو مترات باش يشروا حوايجهم وماكلتهم من غادي واهو حجة وفرجة زي ما احني نمشوا لتونس صحيح كلنا نعاني من المنحة لكن الحق الحق الحمد لله عايشين وامبحبحين والعلاج والدواء على مكتب البعثات اللي بكندا وبعدين شن تحكي للناس قداش تاخدي من راتب شنو الناس بيزيدوك ولا شنو نصيحتي ليك يا غادة اسف يا استاذة غادة اطلعي خارج Newyork وامشي للمدن بعيدة ح تكون ارخص ولو ما لقيتيش شنتطك والمطار والمصونة افريقيا بعبيدها وجراثيمها تستنى في الماجستير بتاعك واذا مش عاجبك اذا كنتي تسكني في عمارة شاهقة من عمارات نيويورك ساهلة جدا افتحي البلكونة و.........Jump it's very easy, you'll be at the moment with the God واسف جدا كلام الحق وجاع يا استاذة غادة
-
يا رقم 62 بالله شن تقول انت اذا الحكاية زي ما تحكي غادة سهلة جدا المكتب الكندي يعطيهم تذاكر ويرجعوا لليبيا سااااااااااااااااهلة وخلينا من موضوع الجهاد اتقولك ماعنديش حق الشمالات وانت تقول جهاد تي هما ضاربهم الشر وانت تبيهم يجاهدوا بالله فاش بيجاهدوا الجهاد الحقيقي هو ان ترضى بالواقع وترجع يا غادة ليبيا تراجي فيك وتحبك من غير ماجستير انت بنت ليبيا راك
-
على السفارة الليبية التصرف فورا" وإلا سوف يتم حسابهم جميعا" وبدون إستثناء اما قطع الدراسة ووضعهم على طريق الفشل يا رقم 82 هذا غير مقبول.
اما انت يا رقم 81 الكلام معاك جاى وبالطريقة المناسبة.
هذا إنذار لهم وانا مقاتل وما عنديش حاجة نخسرها .
انى نتابع الموضوع بنفسى وحسابهم سيكون ليلا" وبدون إنذار .
-
( 83 )
الى رقم 83 تصرف انت يا مصراتي يا مقاتل
هي هذي صفحة نقاش ولا قتال وشن هو اللي تقدر اديره لما تقول الكلام جاي وبالطريقة المناسبة طيب برا شوف اهل غادة واعطيهم فلوس اما الكلام الفاضي كلنا نقدروا عليه وما نحسابكش جرس انذار و جو انا مقاتل برا ديره في الميدان وواضح جدا انك جاهل من اسلوبك السخيف اطلع من ميدان الدراسة هذا بعيد علي زولك
قال مقاتل قال يا شينك حالة يخوف فينا كاتب عماد المصراتي يحسابنا بنخافوا لما انشوفوا كلمة مصراتة افتكينا من قولة سرتاوي وورفلي جاني يقول مصراتي مع احترامي الشديد لتريس مصراتة انت ماكش منهم
-
بسمالله الرحمن الرحيم ليه ما تدعم الحكومه الليبيه منل هولا الطلاب حتى يثم رجوعهم الى ارض الوطن وتكون الاستفاده منهم مش ليبيه خير من مليون اجنى يا اخونى
-
هذا إسمى يا 84 ويا ريتك تكتب إسمك يا خوى . اما البنت عندها حق ولازم تأخده واما أنى مقاتل فهذه معناها انى قاتلت على خاطركم وخوتى 4 كلهم ماتوا وانت بارك الله فيك على كلامك والموضوع انى نتابع فيه فعلا" وحاتأخد اختنا حقها اما العلم فعندى شهادة الدكتوراة من فرنسا فى صناعة محركات الصواريخ اما مصراته إعتبرهم خوتك مافيش داعى للحساسية .
إدريس ثم إبليس ثم الخسيس و سرقوا الثورة
-
( 86 )
ليبيي ما ينضحكش عليه
اولا الله يعينك مع ملاحظه ان الجامعات الامريكية اعطتك قبول في حاحجه مش في الطب تفييدي بها بلادنا مش غير انتي هلبة زيك وبالدات ج نيو يورك المفروض عطوك جراحة او باطنه مش غير ليبيا تصرف علي حاجة مش مهمه والكل عارف الصحه شن ناقصها في ليبيا الاااااااخصاءيين
-
ربي يفرجها عليك غريب امر الشركه الكنديه هده فيه ناس هلبة كملوا المده ؤالتمديد وتخرجوا ومازال الي عند اليوم ما روحوا شكلها الحياه حلوه في امريكا والشركه مازال تصرف عليهم والي زيهم في كل الساحات هلبه نرجو من اداره البعثات التاكد من وضع كل طالب
عائله ليبية بدون مصروف في أمريكا تشردت وتخلي الأب عنها
كلمة باطل في برنامج كلمة حق على قناة الشبابية المسموعة
نداء عاجل الى وزارة الخارجية الليبية 
قائمة بأوائل الشهداء .. منى الطاهر
إلى السيد / رئيس المجلس الانتقالي 
رسالة إلى وزيرة الشؤن الأجتماعية
مناشدة من سكان عمارات الضمان للسيد مصطفى عبد الجليل
احذروا... البلطجة