كيف تم التقييم يا بلاحدود؟ فليحاول احدكم ان يخرج للشارع ويقول انا ضد 17 فبراير او يقول الشهيد معمر او معمر وليبيا وبس او اي تعبير مشابه عندها ستعرفون هل هنالك حرية تعبير ام لا. اي حرية تتكلمون عنها حيث ان مدن كاملة وملايين الناس غير راضين عما يحصل وغير مقتنعين بهذه الفتنة ولكن مكرهون بقوة السلاح على الرضوخ للامر الواقع.ان الجهل سينتهي عندما يقدم كل شي على حقيقته.انشروا ياصحيفة الوطن خلونا نجربوا شفافيتكم.

حتى لو صدقنى جدلا بهذا التقدم ولو بشكل محدود .. ولكن الواقع ما نسمعه أو ما نقراءه سوى في المرئية أو الصحف ولنقل الأعلام بصفة عامة .. هو دائما يرتدي ثوب (( الــزمــزامــة )) وتقولون حرية التعبير ( المطلوب أفعال لا أقوال ) وعندما تتحدثون عن حرية التعبير فهل أن تقول ما تشاء والنتيجة صفر أذا فأصرخ من الصباح حتى المساء

الدليل على ذلك الصحفيين والصحفيات المؤيدين للنظام السابق في معتقلات مصراتة وراينا في اليتوب كيف ينكل بهم

حتى الجوامع متقدرش تسب الكفار.. ومتقدرش تدعي عليهود والنصارئ على الرغم من أن الرسول الكريم كان يدعوا عليهم..

ما فهمتش الجملة الاخيرة "الخصاونة وضع يده في عش الدبابير بعد أقل من ثلاثة أشهر" هل بسبب النقل الغير شريف للاخبار قطع و لصق؟؟!!
على العموم الحاكم العربي و العالمثالثي المتخلف لا يريد من يقول له رقبتك عوجة و لذا تستمر حرية التعبير محدودة

وما من كــاتب إلا سيفنى … ويبقى الدهر ما كتبت يداه

فلا تكتب بكفك غير شىء … يسرك يوم القيامه ان تراه
,_._,___

كان الحجاج بن يوسف الثقفي يستحم بالخليج فأشرف على الغرق فأنقذه أحد المسلمين
و عندما حمله إلى البر قال له الحجاج : أطلب ما تشاء فطلبك مجاب
فقال الرجل : ومن أنت حتى تجيب لي أي طلب ؟
قال: أنا الحجاج الثقفي
قال له : طلبي الوحيد أنني سألتك بالله أن لا تخبر أحداً أنني أنقذتك

هذة حرية الطائرات الفرنسية.. من مقولات الكتاب المخطط لا ديمقراطية بدون طائرات فرنسية

غير توة قعدة سلاطة البلاد خليها تتنظم شوية وبعدين انشوفوا قالك حرية

الحف يقال بان جريدة الوطن الالكترونيه هي جريدة الحريه ونشكرها على نشر جميع التعليقات بدون انحياز
اما بالنسبه للشارع الليبي فانا مع راي رقم 1

وين حريه الراي الشعب كله ماشي ويتلفت من الخوف وخاصه اللي كاتوا مويدين شردتوهم واكثرهم باعوا وابتعدوا من الخوف رغم انهم لم يقتلوا ولم يسرقوا اين هي الحريه حتي انت يااحسن صحيفه انا من متابعينك من اول يوم في عديد من المرات لا تنشري لي لان فيه ناس لا يخافون الله بالله انشري لي هذا ان لو كل شخص ان حياته بيد الله لاغيره سوف يتغلبون علي الكل

انشرى التعليق يا الوطن وقولى للواحد مركز راهو احنا فى2012 وين راقد لعنة الله على المردوم قاعد تحلم بيه انشاء الله تنحشر معاها يوم القيامةوعليك شهادة يلى اعطيتهاله قاعدة فى ناس سدج ومغرر بيها خش لليوتيوب وشوف فضايح عار سيدك صغاره وقاعد تخرف يامسكين شعب يخاف وما يتحشمش

تعرف يارقم ( 1 ) لو انك ليبي صح الصح ما تقولش الكلام هدا..منو هدا معمر ومنو هو الشهيد اللى تتكلم اتقى الله فى كلامك القذافى خلاص انتهى مات أفهم ونبوا ننسوا ماضيه الأسود أنى نستغرب كيف تدعموا فى هالطاغية وما وجعوكش خوتك الليبيين اللى قتلهم والا نساءنا اللى اغتصبوا والا ليبيا اللى دمرها والمليارات اللى راقد عليها هو وصغاره وازلامه فيقوا حرام عليكم وبلاش مكابرة ليبيا بلادنا وبلادكم لازم انكونوا يد واحدة ونبنوها لمستقبلنا ومستقبل صغارنا واحفادنا خلاص ياخوتى ماعادش نبوا نرجعوا للخلف نبوا نتقدموا للأمام ونستمتعوا بخيرات بلادنا وان شاء الله ربى يحفظ ليبيا ويرعاها ويكفينا شر الفتن .. وعاشت ليبيا حرة أبية ..

الى واحد مركرك.. ان ماتدعيه ليست ديمقراطية فان حزب الطاغية اللعين ليس مقبول عالميا مثل النازية المحظورة في المانيا والفاشية الممقوتة في ايطاليا...ارجو ان تقرأ قبل ان تخربش..........

يالى تعليق رقم واحد مركز
ياطحلوب الان تذكرت ان هناك حرية تعبير . ايام سيدك المقبور كان مجرد الهمس بالشكوى حتى في مربوعتك يؤدي الى الهلاك والموت دون محاكمة . وها هي صحيفة الوطن نشرت بكل شفافية ترهاتك . ولكن الغريب ان الشجاعة لم تواتيك لكي تنشر اسمك بكل صراحة . ابشرك ان الخوف قد انتهى انشاء والى الأبد . وللجميع الحق في التعبير بكل صراحة حتى بالنسبة لكم ايها الطحالب العبيد .

الى التعليق رقم 1 - صحة ليك ياللى مسمي روحك مركز - انتا باهي اللى مخليينك ياطحلب يا زبل عايش مع التريس وكانا مافيش حرية راي راك ماكتبتش هالتعليق المريض يا تاعب

سؤال بسيط للمعلق رقم 1 هل كنت تقرأ الصحف اليومية وهى الجماهيرية والزحف والشمس بصفة مستمرة وايضا متابعة برامج التلفزيون الليبى الرسمى قبل قيام ثورة 17 فبراير المباركة ؟ وما تقييمك؟ اما بخصوص حرية التعبير فاتمنى على الجميع ان يطالبوا بمناظرة سياسية فى فهم النظام السياسى الذى كان يحكم ليبيا وهو المؤتمرات واللجان الشعبية ويكون بكل تجرد وحيادية وايضا من حيث النجاح والاخفاق ,,,, عندئذ سيكون واضح للجميع هل معمر شهيد ام !!!!!!!!! , وهل التغيير فى ليبيا مستحق وفى مصلحة الليبيين ام شر و وبال و خسران للجميع .

ما بني على باطل فهو باطل ،، والي صاير في ليبيا ما هو الا تتبع لخطوات حكم القذافي في كل المجالات لا حرية اعلام ولا صحافة ولا تعبير ،، يعني باختصار الكتاب الاخضر تغير غلافه الى الوان علم الاستقلال وخلاص!! زي ما تشوفوا في قناة الجزيرة لما يتكلموا على ليبيا ايامات الحرب كان تفتكروا فيها ،، ههههههههههه ،، عاد قولوا هذا كلام طحلوب وازلام نظام !!

ياصاحب التعليق رقم 1 هدا كلام حق اريد بة باطل
والجهل سينتهى عندما تستفيق من الغيبوبة

ليبيا تقدمت بل قفزت قفزة نوعية في حرية السخافة

الى واحد مطرشق(1)

ليبيا لم تشهد حرية اعلام وراى الا في 17 فبراير والدليل اصدار اكثر من 150 صحيفة ومجلة وعدم الرقابة على الانترانت كما كان في عصر مخرب ومدمر ليبيا الملعون مجرم القذافي ولولا حكمة الفاسد لاكثر من اربعين سنة لكانت ليبيا من ارقى الدول في جميع المجالات لذلك اقول لكل عبيد القذافي ان يستحيوا من انفسهم عندما يذكروا عصر هذا النمرود

يبدوا ان الطحلوب رقم 1 يعرف الحرية فقط بسيدة الجيفة المقبور ! وكان انت واحد مركز عرف باسمك حتي نركزولك خازوق زي سيدك وبعدها تمتع بحرية التعبير و البكاء

رقم 1 . يايايا طحلب هاهاهاها ميهميش حرية صحافة المهم هو عمورة زوااا عليه تملاا هو والطحلب لي معاهم

انا نخالفك في الرأي تماما .... عدي وأقرا اي جريده وتو تشوف في حريه ولا لا ... نقد شديد للمجلس الانتقالي وللحكومه يصل حد الطعن والشتم في بعض الاحيان .... أما اللي تحكي عليه حضرتك ان مافيش حد يقدر يقول ان بوشفشوفه شهيد ولا يقول العباره الشركيه متاعكم فهذا لانه يكون خايف من الناس ومش من الحكومه ... كيف تبي واحد كاين مسجون في عهد معمر ولا باته او خوه او ولده قتله معمر يسمع كلامك ويقعد ساكت .... عدي لألمانيا وجرب تشكر هتلر ... أو عدي لفلسطين وأشكر شارون... أظن كلامي واضح

ههههه لالالال
مش هكى
تو انتو اعطيتو تصنيف للصحافة الليبة بسرعه
استنو حتى ننشا دولة وامن ودستور بعدهااااااا صنفو

وبعدين تصنيف الصحافة او اى تصنيف ف اى تخصص لازم من وجود وثائق هل من ممكن تنشرو الوثيقة كدليل

والاهم ياجماعة كيف تم التصنيف والصحافى الليبى ف التلفزيون ماعنده وعى متبعثر ف الفاضه العربية ولما يحير يولى يخرط بالفلاقى يعنى مش مندير تعميم ممكن صحفى واحد ف كمشة قنوات والا بالله حاطين المسموم سليمان دوغة ف برنامج ههههههه

مش يسكتوه معاش يدير مضاهرة لاسقاط الحكومة جابوله برنامج مقعمز زى البنوته ويخرط ويقول ف مصطلحات مش ف محلها

يعنى ارجو اعطاء التصنيف للصحافة ببعد تكوين الدولة لان ماعندنا دولة حاليا زريبة وصوت م ط

وحرية مفيش ف حرية ف المعاكسات حرية ف الخنبة والقتل حرية ف زقووووب لحياش الناس حرية ف احتواء السلاح بدون سبب بس حرية اعطاء الراى لا اعتقد دلك

لن الليبين كلهم يسبو ماكلمهم حد وخير دليل السب في النث عبر صحيفة الوطن الليبية الحرة ادامها الله على مصداقيتها

يمركز لو ركزت لعرفة الحقيقة ففي عصر الطاغية إلي يذكره بأي نعت ( غير نعوت الالوهيه )يحكم عليه بالسجن 15 سنه وهذا حسب قانونكم ياجاهل وثابت ايظا من خطابات مزيل البطشه عندما قاللكم الطاغية خط احمر زيه زي الدين والوطن يامركز اطلع ونبح زى ماتبى والله مافيه لاامن ولا استخبرات وكان اكليت طريحه من مواطنين فدوى من استوانتكم المشروخه ربي يصبرك.

خلال فترة 42 سنة من عهد المرحوم لم نسمع عن سجينة واحدة.. والان مئات السجينات في معتقلات مصراتة ناهيك عن الاف المعتقلين
والغريب في الامر أن الصلابي يقول بأنة يجب معاملة الاسيرة معاملة حسنة

الى رقم 1
اصلا من وضع ليبيا في المؤخره غير الجيفه معمر وحماقاته ومادام انت مقتنع بما تقول لمادا لا تخرج للشارع وتقول ما تريد كما فعل الثوار وقالوا للطاغيه طز فى وسط عينه ام انك جبان

اسال الطحلوب واتباعه من ترك ليبيا تعود الى ماقبل غام
1955 اليس الجيفة معمر الذى عطل الدستور فى سنة
1971 قبل ان تلدك امك لتعيش فى ظلام معمر والجيفة
هو الذى فتن بين الليبين واعطاء رزق فلان لفلان حتى
يتقاتلا, اولم تسال نفسك لماذا لم ينتشر السلاح فى
تونس اومصر لان تلك الرؤساء والذين من قبلهم لم
يفككو موسسات الدولة, اما قال لكم جيقتكم سافتح
مخازن السلاح لتبقى ليبيا جمر كما كان يعتقد لكن
اعتقد ان اللوحة التى دخلت فيه قللت من حرق كل
شى زى ماقال, ومانتمى ليكم ياخوتى ان تاتو الى
اللوحة برواحكم زى مامشالها الجيفة بروحه.

اللهما نعود بك من شر الطحالب توا هدا لي مركز رقم 1 ايقول امعمر شهيد منين جاته الشهاده من النسر لي في جبهتا من السجود والا من الحرام لي خلا البلاد فيه ربي للتحاسبنا بيما كتبا السفهاء منا ليبي حر

السلام عليكم. واللهي يا امركز لو كنت ليبي فري ما قلتامعمر شهيد لابدا مش ليبي لان اليبي عندا وطنيه ومعمر مش ليبي يهودي وليحبا اكيد عايدون والا حاصل علي الجنسيه بوه في الستينات

الى رقم 1 نتمنى ان تسافر الى دبى التى اصبحت عندها افلوس بعد ليبيا وقارن ستجد ليبيا رقم 0 ودبى رفم 100 يا دكتور فى جامعة المقبور والبائن فى بعض من الناس مثل الكلب ما يحب الا الى خانقه ايام الحريه فى عهد المقبور كبير الجردان لايستطيع احد يكتب اى نقد ضد سيدك المقبور لينه كل الخطوط مراقبه وعندما تنقد تدخل سجن الجردان تحت سابع ارض

تقصد بأن تكون في ليبيا بارات وخمارات ودور دعارة وتجارة في الجنس
أي زي ما يقول خوتنا الثوار ليبيا حرة والدين يطلع برة

اتفق تماماً مع الاخ رقم 1 فيما قالة

عبر زي ما تبي والله ماهو امكلمك واحد لكن بشرط انك ما دجيبش سيرة المقبور علي لسانك لان نبو ننسوه ياسر 42 سنة ما عندناش سيرة الا هو وتو خلاص ملينا من سيرته يعني واحد يجبد هالكافر علي لسانه قص الراس طول وبببببببببببباي

الى رقم 1

لو كان هنالك مدن كاملة وملايين تدعم المقبور لما إنتصرت ثورة 17 فبراير و هذا مجرد وهم تعيش فيه أنت وقله من أمثالك , إصحى من وهمك قبل أن يجرفك الطوفان كما قضى على الطاغية الذى إعتقد أن معه الملايين من الداخل والخارج ولم يكتشف أنه واهم الا فى لحظاته الأخيرة وقبل ساعة واحدة من مصرعه.

الكاتب بعد 17 فبراير:
قلمي :
كم كنت أخشاك يا قلمي !!
خلتُ في حبرك سماً
فإذا بك دمي
رأيتُ فيك نصلاً
فإذا بك مبضعاً يزيل الألم

لو كان هنالك مدن كاملة وملايين تدعم الزنادقة والخونة لما أستعانوا باعداء الاإسلام من دول كافرة كامريكا وفرنساء والدنمارك وبشخصيات معادية للإسلام والمسلمين كالصهيوني النجس برنالد هنري ليفي والصهيوني القذر ماكين لعنة الله عليه


أرجوا النشر

الي رقم 1 وما الفائدة من تمجيد طاغية وما تعود بالنفع عليك وعلي محيطك الا بالنبذ
كل ممجدي الطواغيت غربا وشرقا منبوذين ها انت تنتقد وو ولا احد يكشف قنوانك ويعتقلك
احتراما لعوائل الضحايا عليك ان تحترمهم وتنسي عهد القذافي وتفتح صفحة من جديد في مخيلتك لا تقدس الاشخاص فالقذافي لم يتوارث ليبيا عن ابيه امثالك سبب ما نحن فيه مغربا ومشرقا شمالا وجنوبا امثالك ممن يتلذذون بتقديس الزعيم والقائد وووو وهم من صنعو طواغيتهم بايديهم اما الشهادة فلا ياخذها مجرم رعديد قتل شعبه فلو كان شهبدا لصنفنا كل الطواغيت شهداء
اما اصحاب الذين يستهترون بالعقول البشرية ويقولون ان الثورة و50 الف شهيد ماتو من اجل ان تفتح الخمارات فهم اما مرضي نفسيين يفرغون حقدهم علي الشعب لانهم كانو منتفعين من القذافي

ليبيا انتفضت من اجل الحرية في حدود الشرع سيدك كان يعتبر الحرية هي طعن في الدين وانكار السنة ووو

انا كناصح لكم يا عباد الطواغيت اعبدو الله ولا تسجدو لصور البشر ولا تقدسو الاشخاص وتعطوهم الربوبية بان ذهابهم سيغضب الالهة مما سوف تقع حرب اهلية ودمار شامل ليبيا لن يحدث لها الا ما كتب الله لها وكل شيء خلقناه بقدر كل شيء مقدر من الله ونحن ناخذ بالاسباب
امة الاسلام سبب ما نح كنا فيه هو اننا قدسنا البشر وسجدنا لصنم اذا اردت ان تعرف الدولة الديكتاتورية عليك تتجول في شوارعها فاذا رايت صور الزعيم ورقص القرود في خطبه فعلم انك دخلت الي حدود العبودية والتصفيق للحاكم

انا معاك ياصاحب التعليق رقم1....الحرية لاتعنى مصادرة الرأى يااصدقاء الناتو...ولازم تتعلموا ان فيه ناس ليست مقتنعة بثورة الناتو...انتم ناس قاضية وجهلة وربى يكون فى عونكم...يامنافقين.....حب ليبيا اكبر من ثورتكم ..ومن كلامكم المسموم ...وبلاش منها كلمة طحالب لأنكم تعرفون انفسكم..................عليك نفاق