هيا يتأهل طرابلس. ثوروا كلتا نساء ورجال وأطفال هل طرابلس اقل من مصراته التي لم تترك ليبي غير مصراتي وكملت تاورغاء وهل فيه طرابلسي ذهب الي اازنتان او بنغازي لقد سرقوا طرابلس وقلنا هذا املاك الطاغيه عادي وخوفون بالسلاح ليلا ونهارا لكن ان يأخذوا منازلنا عيني عينك لا وأرضنا و مواقع شغلها لا تترقبوا المجلس الانتقالي نحن سكان طرابلس الوحدين نقدر إخراجهم كل منطقه وكل شارع يعرف الغريب عنهم تكاثفوا كل مجموعه واطردوهم هل سنخسر اكثر ماخسرنا يوم ١٨ ١٢ ٢٠١٢ سوف يكون ثوره العاصمه الجريحه المغتصبه وكل واحد يذهب ويعمل مجلس في مدينته الي إلقاء في نفس اليوم بالله بالله ساولتك بالله يلصحيفه الوطن ان تنشري كلامي أني حزينه علي خنوع اهلي بطرابلس واقراوا كتاب طرابلس الغرب. انه موجود بالمكتبات وشكرا 

هون عليك ياخوى
طرابلس محمية بقدرة الله ومتخافش عليها
طرابلس تحملت اربعين عام جحاف
والان الاحوال ماشية والحمد لله
ومحيطها وناسهم يعشقونها
وممكن اللى تشوف فيه الان هو من كثرة العشق
فمصراته وورفلة والتراهنة والزنتان والزاوية والجبل خوتنا وناسنا واهلنا
وما يرضوا فى اختهم الكبيرة شى
فهون عليك

اى طرابلس تقصد قبل 1969 او 2011 مع وصول الطاغيه اليها سنة 1969 م قلابا كل المعيير بهده المدينة وللاسف يتكرر المشهد مرة تانيه وهى المدينة الوحيده بليبيا لم تتحرر بعد بل وفدا اليها من كل صوب واصبحت بعض احيائها محتله وكأنها مواقع عسكريه ومتال على دلك حى الانتصار غرغور نهيك على احتلال بمواقع حيويه والغريب والمدهش للاسف البعض من ساكنيها عندما دخلوا ابناء قبائلهم سبحان الله تغييروا واصبحوا متلهم من التعالى بل اصبحوا طبق الاصل من سنوات القحوص او الكحيلات ادن ما علاقة طرابلس وما يحدت بها طالما دخلها من تنازل عن كلمة الله اكبر ورفع بدلها كركر

سبحان الله ياراجل قول كلمة حق. يوم كان القدافي يخطب من فوق السرايا كان ميدان الجزائر يهتف بحياة القدافي واقسم لك اني يومها كنت جالس عالدرج امام الجامع بالميدان اتقي الله يارجل

السلام عليكم اولا شكرا علي االكلام لي شهور وندور فيه بالله مش عارف اهل طرابلس وين عرب تاجوراء وسوق الجمعة وبن عاشور والمنصورة و طريق المطار الي ووقفوا في وجه الطاغية وحرروا طرابلس من الداخل في عز الطاغية والله بأخي أنا مستغرب وين ولا حتي هما مشو مع الغنيمة و نسوا التضحيات بالله جونا ناس من خارج طرابلس وانا اشك انهم ثوار ولا أشباه الثوار احتلوا طرابلس ونحن سكانها نيام وانا اولهم في شارعك و في حيك متقدرة قيم عينك ولكن الحق مش فيهم الحق فينا الي ركبنهم علينا وماعاش قدرنا نزولهم .سوال اود طرحه هل يستطيع اي واحد اقول أنا من الثوار طرابلس ويمشي الي مناطق هؤلاء و يرفع عينه وشكا

الحل الوحيد هو نقل العاصمة من طرابلس وهذا مطلب غالبية اهل طرابلس.. كفاية 60 عام طرابلس عاصمة ومتحملة وصابرة صبر حمير القزة.. يكفي خلي بقية المدن تاخذ حصتها في الحصول على شرف العاصمة ..كذلك نقل جميع مؤسسات الدولة من طرابلس.. والله خاطري نشوف طرابلس زي ما كانت في الخمسينات فيها شارع تجاري واحد والباقي مزارع وسواني الزهر والحنة والزيتون والبرتقال والناس الحلوة الطيبة والمدارس والكتاتيب ..

انا مع اقتراحك وسبق لى وان طرحته اكتر من مره ولاننى من سكانها فعلا كرهنا حتى انفسنا من همج الكحيلات السابقين الى الكحيلات الجدد الهمج والغريب بالامر نفس عقليتهم الجهل الغباء لا تقافة الا تقافة النهب السرقه وشعارهم كر كر - فلينقوها ويريحونا من كلمة عاصمة كل المدن والقرى تنعم بالهدوء الا طرابلس احتلت من الثثار الجدد

-1 الاقتراح بنقل العاصمة الى مكان بعيد عن طرابلس جيد

2-الدعوة لجعل الطرابلسية اصحاب ارادة هي دعوة للحرب

الارادة الان ارادة حكومة ويتك ياحكومة

بنغازي حررت نفسها ثم حررت الوطن

الطرابلسية الحقيقيون واقعيون . تريد مثلا ؟

الطرابلسي الحقيقي لاينتمي الى بعث أو تحرير اسلامي أو ليبيرالي أو ناصري أو ينادي بتحرير هونج كونج و المالفيناس أو يتحدى الصين ...وهو يعلم لأنه لايعرف حتى المشي في الطريق أو حتى التخلص من كناسته !

لا للتخلف باسم الدين لا للافكار المتحجرة بالله لا تخلوا الدين في السياسة يا عملاء المخابرات

ما اجمل تعليق رقم (10) كاذب وفي يده شمعه

مدينة طرابلس العاصمة ومدينة كل الليبيين وهى ذات نسيج سكانى غير متناسق وساهم نظام العهد البائد فى تعميق هذا التباين بتمكينه لفئات معينة من السكن والاقامة فى طرابلس ووفر لهم الامكانيات المادية لشراء الفيلات والاراضى لذلك طرابلس اليوم لا تتمتع بانتماء سكانها لها واحتفظ الوافدين اليها بانتماءاتهم القبليه والجهوية لذلك لاارى وجها لمقارنة طرابلس ببقية المدن الليبيه والتى اغلبها متجانسه.. ان مسالة الانتماء هى من وجهة نظرى السبب فى تعطل وحدة وتكاثف هذه المدينة والتى ضحت بالكثير من اجل ان تبقى عاصمه .. وهى السبب فى تعدد هاته الكتائب المسلحة وسببا فى اثارة الفوضى العارمه وحتى مطار طرابلس وهو منفذنا الى العالم لا يزال رهينة فى ايدى كتائب اتت لطرابلس وحعلت منها مغنمه فقط وسبيلا للنهب والسرقة والتحكم فى هذا المرفق الحيوى والذى يجب ان يرجع الى ادارة الدولة وليس لعصابات لارادع لها ولا قانون يحكم فيها .. وترفض كل شركات الطيران العالمية الرجوع واستئناف طيرانها فى وجود كتيبة السيد مختار الاخضر تتحكم بالمطار . ادعوا سكان طرابلس من سوق الجمعة وتاجوراء وفشلوم وبلخير والظهرة وبن عاشور الى القيام بمظاهرة عامة فى طرابلس لانقاذ هذه المدينة التى اغتصبت من قبل نظام المقبور والان مغتصبة من قبل كتائب بما يسمى ثوار. وادعوا الحكومة المؤقته والمجلس الانتقالى باستعادة السيطرة على المطار من قبل الدولة مما سيساهم فى رجوع حركة التنقل بين ليبيا والعالم الخارجى الى درجه عادية ويساهم فى تسريع عجلة التنميه .

رقم 4 اتقى الله فى نفسك نحن كنا نهتف ضد معمر فى دلك اليوم ياكداب

الى صاحب المقال المتعطش للسياسه احسنت فلقد تفننت في دس الفتنه باسلوب جذاب وانيق ولكن لان ولان تفلح انت ولا مليون من اشكالك في شق اللحمه الوطنيه فطرابلس عاصمه لليبيا ولكل الليبيين ولن تكون الا كذالك ومسؤلية حمايتها تقع على عاتق كل الليبيين اما الاحداث والمشاكل التي تحدث بين الفينه والاخرى فانت تعلم جيدأ من يقوم بها وعلى الرغم من ان كل ما قلته لايعد الا تفتفيت كلام ولا يصلاح ان يكون مقال فاني اعتبر كلامك دعوه للفتنه وتشجيع للفوضى وما وصفك للثوار الذين حرروك بالمليشيات الااكبر دليل على خبتك وضعف ادركك السياسي ولكي تصل الى مرحله النضج والادرك لما يدور حولك ينبغي عليك ترك عقلية ابو شفشوفه الخامره....

انا مع اقتراح ان تنقل العاصمة من طرابلس . ارجوكم ارحمونا نحن سكان طرابلس من الكحيلات الجدد بعد ان عانينا طيلة اربعون عاماً من كحيلات المقبور ... اذا كانت العاصمة شرف فقد اخذنا منه كفايتنا طيلة العقود الماضية وان كانت هماً فلتتحمل بقية المدن الأخرى نصيبها .

كاتب المقال ينفث السم وفحيحه مسموع بين ثنايا كلماته فرجال طرابلس مازالوا فيها ورؤوسهم عالية ويفخرون بكرمهم وجودهم وهم أهل لذلك ويرون دارهم طرابلس لكل أبناء الوطن رغم أننا نرفض مضاهر التسلح والشغب وعلى الحكومة الموقره النظر بجدية لهذه الأمور وتكوين الجيش الوطني وأجهزة الداخلية من أمن وشرطة عل أنها أولوية بالذات في طرابلس لان إستقرارها إستقرار للوطن. بارك الله فيك رقم 2

ستكون طرابلس بخير جينما يتحرك العقلاء من أبناء ليبيا ، وليبيا فقط ، من أمثالكم ،،، زادكم الله تدبرا وحكمة .

تعرفوالى فترة ماتبعتش الاخبار فوجئت بهدة الاراء انا تاجورية واسكن طرابلس مند فترة طويلة استعرض راي فكرة مجلس عسكرىواحد صحيح سيطرة الدولة على كل الاماكن السيادية ضرورى حتى ولو باستعمال القوة حكاية طرابلس لاهلها فقط مش معاها حكاية الثوار بيوا يديروا مايبوا تفكرنا باللجان الثورية امتثال المواطنين للحكومة الان ضرورى وبالنسبة اللي عندهم سلاح مافيش حلول وسط السلاح كمل دوره ومكانة معروف واللى دافع فية فلوس مافيش باس يخلصوة وبعدين المواطن الليبي شن قصتة يدور فى حقوقة ومش منتبه لواجباتة وعطية نشر الاشاعات وكان غر ابتعدنا عن التفكير بعقلية النظام الطاغى وكل واحد يمشى يخدم فكونا من مصراتى وطرابلسى وشرقاوى وقولوا ليبيين فقط

طرابلس اغلبية سكانها احيائها مع القذافي..ولكنها مصدومة مما يجري..يعني المعركة كانت اكبر حجمها ونقدر نقول هزمت
بالقوة القاهرة ..يعني 30 دولة ضدك وتحالف عالمي ضدك
شنو تقدر عليه ؟؟!! سوى الاحباط والهزيمة النفسية..لسان حالها يقول ..خليني نشوف اخرتها
..ولكن بالفعل الفوضى والتخبط يسود ليبيا حاليا..
ولله الشكوى من تقلب الزمان..

خسئت يا مسيلمة والله لن تكون طرابلس إلا حرة أبية وملعون الطاغية وأمثالك المفترين ولن نشرب الكأس المسموم مهما كانت نعومه أيدي مقدميه خسئت خسئت خسئت وخنست خنوس الشياطين يا أفاق

اهكدا الحوار والطرح لا لا لا لا والف لا
كل ما ورد هو كلام عنصرى ويسئ الى الليبيين كلهم اريد ان ادكر الجميع بان العاصمة للجميع كما هو متعارف عليه فى العالم وهده ضريبة العيش فى العاصمة فلا احد يملك العاصمة وبلاش كلام سطحى وكدلك البترول للجميع وهنا يجب التركيز فى النقاش

الثروات الطبيعية ملك للمناطق التي توجد بها بعد دفع الضريبة للسلطة المركزية ، لنتعلم الاعتماد على انفسنا

والله تعبتونا ياغرب ليبيا واخرتوا علينا استقرار دولتنا ليبيا لموا انفسكم خيرلكم

شكرا ليكم ولى كنت نبى انقوله قلتوه , ياريت اغيروا مكان العاصمة شنو المشكلة خلى تاخد هالشرف مدينة اخرى ,تلاحظ اغلب المشاركين ايرددوا فى نفس الجملة طرابلس عاصمة الجميع بالله علاش وانت منو يلى اتقول فى الكلام هذا تعطى لروحك فى حق مش ليك هل انت اصلك طرابلسى ؟ كلامى مش معناها قبلية لكن يلى ماتبيش القبلية كان تسمع حاجة على مدينتك ولا منطقتك اعيونك قريب يطلعو بما فيهم الكتاب والمثقفين .

اللي نبي اتقولا واناكد عليه في البداية اننا ليبيين متساويين احرار وطرابلس عاصمتنا يجب علينا انا انكونو قد المسؤولية وحذرين فى استخدام التعابير باش مانجرحو حد وماتنسوش اننا حني فى مرحلة انتقالية وعندنا ثوار احرار، وكذلك فيه متسلقين يبو مصلحتهم الشخصية ليبيا يجب اتكون قبل كل شي ومسائلة السلاح تبي وقت وتبي تعاون من جميع ابناء ليبيا الشرفاء وطرابلس حتكون انشاء الله احلي عاصمة في شمال افريقيا والله اكبر

والله ثقافة الطرابلسية أفضل مليون مرة من الثقافات المستوردة اللى جابوهانا الجماعة اللى كانوا فى الخارج والمشكلة انهم مسكوا مناصبز واسترها يارب

احلى مدينة طرابلس...الليبين ..كأنهم بيموتو عليها طرابلس لمجمعتهم طرابلس اختهم لكبيرة طرابلس بيحبوها طرابلس بيعزوها طرابلس لانها الكبيرة طرابلس يردو الشورى عليها طرابلس عروسة كل ليبى

والله باستتناء تاجورة وسوق الجمعة وفشلوم وجنزور الباقى مع المردوم لاخر يوم البعض طوعا والبعض كرها وطرابلس اسيرة مندو نهاية السبعينات من يملك طرابلس الان هم عبيد المردوم من ورفلة وترهونة وزلطن وسرت هم من لهم المال والسلاح اما اهل طرابلس الباقيين فاغنى واحد عنده حوش فى خلة الفرجان او وادى الربيع بعد ان باع حوشه داخل المدينة اما للزادمة او السنوسى او غيره من هدة الاسماء الكريهه انثم من احتظنتم هولاء الاوغاد

لا اعرف من اين ابدا
يظهر ان صاحب المقال لم يعاصر الثورة هكدا المنطق يقول
هل نسي صاحب المقال او تناسي ان ثوار طرابلس الدين يثحدث عنهم لم يجدو ملاد امن لهم في الثورة الا الجبل الغربي وبالدات مدينة الزنتان ام ان كاتب المقال زي مايقولو لبس الكتان ونسي ماكان
اهل الجبل ومصراته وغيرهم من الدواخل عم العمق الاستراتيجي لطرابلس ايها المغفل
ولابد ان تقرا التاريخ حتي تعي ماتقول
عندما كانت طرابلس قليلة السكان الليبيين وبعض من بقايا الاتراك لم تجد الا اهل الدواخل بدون استثناء وهدا مسجل في معركة اهاني وموثق
ان الدين يتباكون علي طرابلس اكثرهم لاعلاقة لهم بها اما ان يكونوا بقايا اتراك او من العائدون ام الاصليين مثل اهل تاجوراء وسوق الجمعة فحاشاهم ولم يتحسسوا من ثوار الدواخل
الامر واضح كل الاشخاص الدين يتباكون علي طرابلس لم يساهمو في تحريرها ولكن يريدو ان يستغلو الفرصة ويستعملوا الفهلوة للتسلق ولكن هيهات هيهات
لولا فضل الله وثوار الدواخل لسق الطاغية طرابلس بمن فيها ولكن الله سلم

رد على الرد رقم 1.
ما هذا يأخت طرابلسية ماهذا الكلام المتحيز العنصرى الجهوى إليك الآتى:
اولا: لماذا يذهب اهل طرابلس إلى بنغازى او اى مكان فى ليبيا؟ هم ليسوا فى حاجة لذلك. بنغازى وليبيا كلها تأتى إلى طرابلس غصبا عنهم إما لتوقيع ورقة او للحصول على تاشيرة اجنبية او تاشيرة خروج او تصريح عسكرى أو أذن زواج او طلب تعيين طبعا دولة المركزية الكريهة المتمثلة فى الباب العالى "طرابلس"اهلل اشرق بالذات لايطيقون العيش فى اى مكان آخر بعيد عن اهلهم وهذا معروف عنهم واسالى التاريخ. وعنما اتى الليبيون من كل حدب وصوب إلى رباية الذايح"بنغازى" ايام الفقر قبل الإستقلال وقبل البترول وقبل المركزية وقبل معمر ,لم تشكى بنغازى ولم يصدرعنها كلام عنصرى وجهوى بل تقبلت ولا زالت جموع الليبيين من الغرب والجنوب وربتهم وعاشوا فى كنفها وتمتعوا بخيراتها بل اصبحو هم الأغلبية .

ثانيا: هؤلاء الشباب الذين جاءو إلى طرابلس جاءوا لغرض نبيل وسيتركونها عند تحقق هذا الغرض وإستتباب الأمن لأن طرابلس مازالت تحتوى على اعداد كبيرة ممن لا وجهة لهم.

ثالثا: ستتحقق امنيتك.بعد بناء دولة القانون والعدالة لن يحتاج اى ليبى لأن ياتى لطرابلس ولتبقى خيرات طرابلس لطرابلس وخيرات الشرق للشرق وخيرات الجنوب للجنوب كما يقول المثل " الحرة اول ماتزرب بيتها" وكذلك المثل الذى يطابق امنياتك تماما "العب بروحك ما تشكش".

والسلام

كلام مسموم ومراميه مفهومة.. لأن المجلس المحلّي ليس في يد أهل طرابلس وحكمه كحكم المحالس العسكريّة ان رضينا بما يطالب به الكاتب, ولكنّي أقول قولا آخر أجمل من هذا وأصدق لأني أحب كلّ أبناء ليبيا:
أنا طرابلسي حرّ..
طرابلس بيت الليبيين جميعا..
طرابلس حضن الليبيين جميعا..
طرابلس حديقة غناء ورودها من كلّ جنائن وطني ليبيا..
طرابلس كالأم الرّؤوم تحبّ كلّ أبنائها دون تفرقة حتى لو أصابها شيء من العقوق..لأنها تعرف ان كلّ ابناء الوطن حياتها ونبضات قلبها..

اود ان اشير الى شى واحد وهو طرابلس ليس كا باقى المحافطات الليبيه لانه تركيبة الناس الموجوده خليط من كل المناطق لهدا السبب بها الكتير من المشاكل وانا الاول والشركة الليبية التى اشتغل بها تم تعرقيلها وعدم السماح لها بمواصلة عملها اليومى والسبب تركيبة السكان والشركه هى الخدمات العامه لطرابلس ادهبو الى مقرها بالحى الاسلامى وسوف تعرفو

يا أخي الطرابلسية عددهم قليل جدا في طرابلس وهم ناس حضاريون ومثقفوق ، وليس لهم أي سلطة سواء في السابق أو في الوفت الحاضر ، وهم ليسوا عبيد للحكام ، والذين أقاموا المجالس العسكرية هم من خارج صور طرابلس العظيم ، في السابق كانت هناك روابط الشباب التي أنشئها الدخلاء على طرابلس ، وألان أنشؤو المجالس العسكرية كتاكر الزنتاني ، ؟الترهوني، ؟الورفلي وهلما جره.
( إن البدو إذا دخلوا مدينة أفسدوها وجعلوا أعزة أهلها أذلة).

هذا انقاش والتنابز لا يقدم ولا يؤخر ولا يجب أن يشغلكم عن قضايا الوطن الأهم. فمن يعرف طرابلس فى الأربعينات والخمسينات واوائل الستينات يعرف أن طرابلس وفد إليها من جميع مناطق ليبيا ولكنهم احترموا ثقافتها والتزموا قوانينها وأعرافها الغير مكتوبة وماتت فيهم القبلية والعصبية وتملكوا فيها وصاوا من أهلها ولم نشعر كما لم يشعروا بأي فارق أو نزعة فوقية أو نفور وكراهية فالكل عاش فى وئام وانسجام وتصاهروا وتقاربوا فكانوا أهل ذوق وخلق وعلم ودراية وحضارة. حتى من سكن أكواخ الصفيح لأسباب مادية لم يشعر بالغبن ولا بالدونية وكنا أصدقاء ابن الفقير كما ابن الوزير أو رئيس مجلس وزراء وتولوا مناصب قيادية عن كفاءة وجدارة ولم نسأل أحدا عن قبيلته أو من أين أتى فلم يكن همجيا ولا وحشيا والكل ملتزم حدود الأدب والأخلاق ولم نعرف مثل هذاالنقاش والحوار. وهذا هو الطرابلسي فالنسب للثقافة والأدب والأخلاق والحضارة.ولكن طرابلس حقيقة فى عهد الطاغوت تحولت إلى مقبرة يسكنها أشباح فلم تعرف لها وجها ولاهوية وصاروا أهلها جميعا هنود حمر ليبيا. وهذا مخطط مقصود. فلا تبتئسوا ولا تحزنزا فالزمن كفيلباصلاح الأمر والحال مع زيادة العلم والتحضر والذهب يطهر خبثة طال الزمن أم قصر. فاهتموا بما يوحد ويجمع ولا تناقشوا ما يفرق ويبدد.